rohit sharma daughter samaira: ఈరోజులు మళ్లీ రావు..! సమైరాతో రోహిత్ శర్మ ఫన్నీ గేమ్ – team india batsman rohit sharma shares adorable video with daughter samaira


టీమిండియా స్టార్ ఓపెనర్ రోహిత్ శర్మ ఈ లాక్‌డౌన్ వేళ కూతురు సమైరాతో సరదాగా ఆటలు ఆడుకుంటూ కనిపిస్తున్నాడు. కరోనా వైరస్ కారణంగా మార్చి నుంచి క్రికెట్ సిరీస్‌లన్నీ రద్దవగా.. అప్పటి నుంచి రోహిత్ శర్మ ఇంటికే పరిమితమయ్యాడు. ఈ క్రమంలో కూతురు సమైరాతో ఎంజాయ్ చేస్తున్న రోహిత్ శర్మ తాజాగా ఓ వీడియోని సోషల్ మీడియాలో షేర్ చేశాడు. దానికి ‘‘ఈరోజులు మళ్లీ రావు’’ అంటూ క్యాప్షన్ కూడా జతచేశాడు.

Read More: రోహిత్ శర్మ 208*.. రితిక ఏడుపునకి కారణం చెప్పిన హిట్‌మ్యాన్

చిన్ననాటి స్నేహితురాలు రితికని 2015లో రోహిత్ శర్మ వివాహం చేసుకోగా.. 2018లో ఈ జంటకి సమైరా జన్మించింది. పాప పుట్టిన సమయంలో ఆస్ట్రేలియా పర్యటనలో ఉన్న రోహిత్ శర్మ.. సిరీస్ మధ్యలోనే భారత్‌కి వచ్చి సమైరాని చూశాడు. ఆ తర్వాత ఐపీఎల్ 2018, 2019 సీజన్‌లోనూ మ్యాచ్‌ల తర్వాత సమైరాతో సరదాగా స్టేడియంలో ఆడుకుంటూ రోహిత్ శర్మ కనిపించాడు.


సాధారణంగా ప్రొఫెషనల్ క్రికెటర్లు.. టీమ్ బిజీ షెడ్యూల్స్ కారణంగా ఫ్యామిలీతో చాలా తక్కువ సమయం గడుపుతుంటారు. వారి కెరీర్ ముగిసే సరికి పిల్లలు పెద్దవాళ్లు అయిపోతారు. దాంతో.. చాలా మంది క్రికెటర్లు తమ పిల్లల బుడిబుడి అడుగుల సవ్వడిని ఎక్కువగా ఆస్వాదించలేరు. తాజాగా కరోనా వైరస్ కారణంగా లభించిన బ్రేక్ సమయాన్ని.. ఆటగాళ్లందరూ పూర్తిగా ఫ్యామిలీకి కేటాయించారు. ఇటీవల ధోనీ.. తన కూతురు జీవాతో బైక్‌పై చక్కర్లు కొడుతున్న వీడియో సోషల్ మీడియాలో వైరల్‌గా మారిన విషయం తెలిసిందే.





Source link

Leave a Reply

Your email address will not be published. Required fields are marked *