Rohit Sharma double century: ప్చ్‌.. ఆ టీ20లో డ‌బుల్ సెంచ‌రీ మిస్స‌య్యా: రోహిత్ శ‌ర్మ‌ – indian cricketer rohit sharma says that he missed out on 200 in a t20i against sri lanka


క్రికెట్‌లో డ‌బుల్ సెంచ‌రీ అంటేనే మ‌న‌కు గుర్తుకు వ‌చ్చేది భార‌త స్టార్ ప్లేయర్ రోహిత్ శ‌ర్మ అన‌డంలో ఎలాంటి సందేహం లేదు. క్రికెట్ ప్ర‌పంచంలో ఎవ‌రికీ సాధ్యం కాని రీతిలో వ‌న్డేల్లో మూడు డ‌బుల్ సెంచ‌రీలు చేశాడు. క‌రోనా వైర‌స్ కార‌ణంగా ల‌భించిన విరామంతో ప్ర‌స్తుతం ఇంటిప‌ట్టునే ఉంటున్న హిట్‌మ్యాన్ తాజాగా సోష‌ల్ మీడియాలో ఒక విష‌యాన్ని బ‌య‌ట‌పెట్టాడు. గ‌తంలో టీ20లో త‌న‌కు డ‌బుల్ సెంచ‌రీ చేసే అవ‌కాశం ల‌భించింద‌ని, అయితే అది చేజారింద‌ని గుర్తు తెచ్చుకున్నాడు.


2017లో శ్రీలంక‌తో ఇండోర్‌లో జ‌రిగిన మ్యాచ్‌లో రోహిత్ 43 బంతుల్లోనే 118 ప‌రుగులు చేశాడు. ఈ ఇన్నింగ్స్‌లో 12 ఫోర్లు, 10 సిక్స‌ర్ల‌ను బాదాడు. ఈక్ర‌మంలో 35 బంతుల్లోనే సెంచ‌రీని నమోదు చేశాడు. త‌ను ఔట‌య్యే స‌మ‌యానికి ఇంకా 9 ఓవ‌ర్ల ఆట‌మిగిలి ఉంది. ఈ నేప‌థ్యంలో ఆ మ్యాచ్‌లో కాస్త సంయ‌మ‌నంతో ఆడితే డ‌బుల్ సెంచ‌రీ చేసే వాడిన‌ని పేర్కొన్నాడు. అయినా 35 బంతుల్లోనే సెంచ‌రీ చేయ‌డం చాలా ఆనందంగా అన్పించింద‌ని పేర్కొన్నాడు.


ఆ మ్యాచ్‌లో రోహిత్‌తోపాటు లోకేశ్ రాహుల్ (89) కూడా రెచ్చిపోవ‌డంతో భార‌త్ 260 ప‌రుగుల భారీ స్కోరును సాధించింది. అనంత‌రం లంక‌ను 172 ప‌రుగుల‌కే ప‌రి‌మితం చేసిన భార‌త్‌.. 88 ప‌రుగుల తేడాతో ఘ‌న విజయం సాధించింది. ఇక పొట్టిఫార్మాట్‌లో రోహిత్‌తోపాటు క్రిస్ గేల్ (వెస్టిండీస్‌), మార్టిన్ గ‌ప్టిల్ (న్యూజిలాండ్‌)ల‌కు డ‌బుల్ సెంచ‌రీ చేసే సామ‌ర్థ్య‌ముంద‌ని క్రికెట్ విశ్లేష‌కులు అంచ‌నా వేస్తున్నారు.



Source link

Leave a Reply

Your email address will not be published. Required fields are marked *