Rohit Sharma: IND vs AUS: గాయం వివాదంపై పెదవి విప్పిన రోహిత్ శర్మ – india vs australia: rohit sharma breaks silence on his hamstring injury


టీమిండియా సీనియర్ ఓపెనర్ రోహిత్ శర్మ తన తొడ కండరాల గాయంపై పూర్తి స్థాయిలో క్లారిటీ ఇచ్చే ప్రయత్నం చేశాడు. ఆస్ట్రేలియాతో సిరీస్‌కి జట్టుని ఎంపిక చేసే సమయంలో రోహిత్ శర్మ గాయం రిపోర్ట్‌లను టీమిండియా ఫిజియో నుంచి సేకరించిన భారత సెలెక్టర్లు.. అందులో అతనికి విశ్రాంతి ఇవ్వాలని వైద్యులు సూచించడంతో టీమ్‌లోకి ఎంపిక చేయలేదు. కానీ.. రోజుల వ్యవధిలోనే ఐపీఎల్ 2020 సీజన్‌ మ్యాచ్‌లో ఆడిన రోహిత్ శర్మ.. తన ఫిట్‌నెస్‌ని నిరూపించుకున్నాడు. దాంతో.. ఉద్దేశపూర్వకంగానే రోహిత్ శర్మని పక్కనపెట్టారనే ఆరోపణలు వినిపించగా.. దిద్దుబాటు చర్యల్లో భాగంగా ఆస్ట్రేలియాతో టెస్టు సిరీస్‌కి మాత్రమే రోహిత్ శర్మని సెలెక్టర్లు ఎంపిక చేశారు.

భారత్ జట్టులోకి రోహిత్ శర్మని ఎంపిక చేసినా సెలెక్టర్లకి మాత్రం అతని ఫిట్‌నెస్‌పై ఓ క్లారిటీ లేకపోయింది. దాంతో.. ఆస్ట్రేలియాతో సిరీస్‌కి ముందే బెంగళూరులోని నేషనల్ క్రికెట్ అకాడమీ (ఎన్‌సీఏ)లో ఫిట్‌నెస్ నిరూపించుకోవాలని రోహిత్ శర్మని ఆదేశించారు. ఈ నేపథ్యంలో.. ప్రస్తుతం బెంగళూరులో ఉన్న రోహిత్ శర్మ.. తన గాయం వివాదంపై తొలిసారి పెదవి విప్పాడు. డిసెంబరు 17 నుంచి భారత్, ఆస్ట్రేలియా మధ్య నాలుగు టెస్టుల సిరీస్‌ ప్రారంభంకానుంది.

‘‘గాయంపై బయట ఎలాంటి చర్చ జరుగుతుందో నాకు తెలీదు. కానీ.. నేను మొదటి నుంచి భారత క్రికెట్ నియంత్రణ మండలి (బీసీసీఐ), ముంబయి ఇండియన్స్‌తో రెగ్యులర్‌గా టచ్‌లో ఉన్నాను. గాయం నుంచి కోలుకున్న తర్వాత మ్యాచ్ ఆడతానని నేనే స్వయంగా ముంబయి ఇండియన్స్ టీమ్ మేనేజ్‌మెంట్‌తో చెప్పాను. ప్రస్తుతం నాకు ఎలాంటి గాయం లేదు. అయితే.. ఆస్ట్రేలియా పర్యటన ముంగిట నా వైపు ఎవరూ వేలెత్తి చూపకూడదనే ఉద్దేశంతో నేను ఇప్పుడు ఎన్‌సీఏలో ఉన్నాను’’ అని రోహిత్ శర్మ స్పష్టం చేశాడు.



Source link

Leave a Reply

Your email address will not be published. Required fields are marked *