rohit sharma injury: రోహిత్ శర్మకి ఏమైంది..? ఆస్ట్రేలియా టూర్‌కి పక్కన పెట్టడంపై సందేహాలు – india’s tour of australia: sunil gavaskar calls for more transparency on rohit sharma’s injury


ఆస్ట్రేలియా టూర్‌కి సోమవారం ప్రకటించిన జట్టులో ఓపెనర్ రోహిత్ శర్మకి చోటు దక్కకపోవడంపై దుమారం రేగుతోంది. ఈ నెల 28న కింగ్స్ ఎలెవన్ పంజాబ్‌తో మ్యాచ్ ఆడుతూ రోహిత్ శర్మ గాయపడ్డాడు. సూపర్ ఓవర్‌కి దారితీసిన ఈ మ్యాచ్‌లో గాయంతోనే సూపర్ ఓవర్‌లో బ్యాటింగ్ చేసిన రోహిత్ శర్మ.. ఆ తర్వాత ఫీల్డింగ్ రాలేదు. దాంతో.. సూపర్ ఓవర్‌లో కెప్టెన్‌గా కీరన్ పొలార్డ్ ముంబయి ఇండియన్స్ టీమ్‌‌ని నడిపించాడు. ఈ మ్యాచ్‌లో ముంబయి ఓడిపోగా.. రోహిత్ శర్మ తొండ కండరాలకి గాయమైంది.. తర్వాత మ్యాచ్‌కి వచ్చేస్తాడని ఓటమి అనంతరం కీరన్ పొలార్డ్ వెల్లడించాడు.

Read More: ఆస్ట్రేలియా పర్యటనకి భారత్ జట్టు ప్రకటన.. సర్‌ప్రైజ్‌ సెలక్షన్

కానీ.. పంజాబ్‌తో మ్యాచ్‌ తర్వాత ముంబయి ఇండియన్స్ గత వారం వరుసగా చెన్నై సూపర్ కింగ్స్, రాజస్థాన్ రాయల్స్‌తో మ్యాచ్‌లు ఆడింది. ఈ రెండింటికీ రోహిత్ శర్మ దూరంగా ఉండిపోగా.. తాజాగా ఆస్ట్రేలియా‌తో టీ20, వన్డే, టెస్టు సిరీస్‌ల కోసం ప్రకటించిన ఏ జట్టులోనూ రోహిత్ శర్మకి చోటు దక్కలేదు. దాంతో.. రోహిత్ శర్మ గాయంపై సందేహాలు వ్యక్తమవుతున్నాయి. భారత దిగ్గజ క్రికెటర్, ఐపీఎల్‌లో కామెంటేటర్‌గా వ్యవహరిస్తున్న సునీల్ గవాస్కర్ సైతం.. రోహిత్ శర్మ గాయంపై ముంబయి ఇండియన్స్, భారత సెలక్టర్లు స్పష్టమైన సమాచారం చెప్పకపోవడంపై పెదవి విరిచారు.

‘‘రోహిత్ శర్మ ఆదివారం ముంబయి ఇండియన్స్ నెట్స్‌లో బ్యాటింగ్ ప్రాక్టీస్ చేస్తూ కనిపించాడు. మరి అతనికి ఎలాంటి గాయమైందో..? నాకైతే అర్థం కావడం లేదు. ఒకవేళ గాయం తీవ్రత ఎక్కువగా ఉంటే ఆటగాడు ఫ్యాడ్స్‌ కట్టుకుని నెట్స్‌‌‌‌లో ప్రాక్టీస్ ఎలా చేస్తాడు..? సరే చిన్న గాయమే అనుకుందాం.. ఆస్ట్రేలియా‌తో టీ20, వన్డే సిరీస్‌లో పక్కన పెట్టి.. డిసెంబరు 27 నుంచి ప్రారంభమయ్యే టెస్టులకి అవకాశం కల్పించొచ్చు కదా..? ఎందుకంటే అతను ఫిట్‌నెస్ సాధించడానికి దాదాపు నెలన్నరపైనే సమయం ఉంది. కనీసం ఇప్పటికైనా ముంబయి ఇండియన్స్ టీమ్ రోహిత్ శర్మకి ఎలాంటి గాయమైందో..? నిజాయతీగా చెప్పాలి’’ అని గవాస్కర్ సూచించాడు.



Source link

Leave a Reply

Your email address will not be published. Required fields are marked *