rohit sharma troll : రోహిత్‌ను ఆ ప్ర‌శ్న అడిగి బుక్క‌య్యిన చాహ‌ల్‌ – indian cricketers rohit sharma, jasprit bumrah troll spinner yuzvendra chahal on social media


భార‌త వైట్‌బాల్ క్రికెట‌ర్ య‌జ్వేంద్ర చాహ‌ల్‌.. మంచి హ‌స్య‌చ‌తుర‌త ఉన్నద‌ని మ‌న‌కంద‌రికి తెలిసిందే. అయితే తాజాగా క్రికెట‌ర్లు రోహిత్ శ‌ర్మ‌, జ‌స్‌ప్రీత్ బుమ్రాల‌ను ట్రోల్ చేయాల‌ని భావించి, త‌నే చిక్కుల్లో ప‌డ్డాడు. అంత‌కుముందు రోహిత్‌, బుమ్రా సోష‌ల్ మీడియాలో కాసేపు సంద‌డి చేశారు. వీళ్లిద్ద‌రూ ఇన్‌స్టాగ్రామ్‌లో బిజీగా ఉండ‌గా.. మ‌ధ్య‌లోకి ఎంట‌రైన చాహ‌ల్, వీళ్లిద్ద‌రికి ఒక ప్ర‌శ్న వేశాడు. త‌న‌ను ఐపీఎల్ ఫ్రాంచైజీ ముంబై ఇండియ‌న్స్ మిస్స‌వుతోందా అని ప్ర‌శ్నించాడు.


Read Also: హమ్మయ్యా..ఆ క్రికెట‌ర్ల‌కు క‌రోనా సోక‌లేదు


గ‌తంలో ముంబై ఇండియ‌న్స్ త‌ర‌పున చాహ‌ల్ ప్రాతినిథ్యం వ‌హించిన సంగ‌తి తెలిసిందే. మూడు సీజ‌న్ల‌పాటు చాహ‌ల్.. ముంబైకి ఆడిన స‌మ‌యంలో, ఒక‌సారి ముంబై విజేత‌గా కూడా నిలిచింది. అయితే ముంబై త‌న‌ను రిలీజ్ చేశాక, రాయ‌ల్ చాలెంజ‌ర్స్ బెంగ‌ళూరు త‌ర‌పున ఆడుతున్నాడు. 2014 నుంచి త‌ను ఆ జ‌ట్టులో పాతుకుపోయాడు.

Read Also: ఆ ఫార్మాట్‌తో ఎంతో మెరుగ‌య్యా: కోహ్లీ


అయితో చాహ‌ల్ ప్ర‌శ్న‌కు కాస్త వ్యంగ్యంగా రోహిత్, బ‌మ్రా సమాధాన‌మిచ్చారు. ఈ ప్ర‌శ్న‌ను ఆర్సీబీ యాజ‌మాన్యానికి తెలియ‌జేస్తామ‌ని హిట్‌మ్యాన్‌.. స‌రాదాగా చాహ‌ల్‌ను ఆట‌ప‌ట్టించాడు. ముంబైలోకి త‌ను తిరిగి రావాల‌నుకుంటున్న విష‌యాన్ని ఆర్సీబీ కెప్టెన్ విరాట్ కోహ్లీకి తెలియ‌జేస్తామ‌ని బుమ్రా అన్నాడు. తాము విజ‌యాలు సాధించ‌క‌పోయిన‌ట్ల‌యితే చాహ‌ల్‌ను మిస్స‌యిన‌ట్లు భావించే వాళ్ల‌మ‌ని, తామిప్పుడు గెలుపుబాట‌లోనే ఉన్నామని రోహిత్ గుర్తు చేశాడు. బెంగ‌ళూరు జ‌ట్టులోనే చాహ‌ల్ ఉంటే బాగుంటుంద‌ని రోహిత్ చుర‌క‌లు అంటించాడు. ఇక ఐపీఎల్ 2020 గ‌త‌నెల 29న ప్రారంభించాల్సి ఉండ‌గా.. ఈనెల 15కు వాయిదా ప‌డింది. ప్ర‌స్తుత పరిస్థితుల్లో ఐపీఎల్ నిర్వ‌హ‌ణ సందిగ్ధంలో ప‌డింది.





Source link

Leave a Reply

Your email address will not be published. Required fields are marked *