Rupee : ఆల్‌టైమ్ కనిష్టానికి రూపాయి పతనం.. ఆ 3 అంశాలే కారణం! – indian rupee falls to new all-time low against us dollar


రూపాయి పడిపోతూనే వస్తోంది. ఈరోజు ఏకంగా ఆల్‌టైమ్ రికార్డ్ స్థాయికి పతనమైంది. బలమైన అమెరికా డాలర్ సహా దేశీ స్టాక్ మార్కెట్ పడిపోవడం ఇందుకు ప్రధాన కారణం. 76.74 వద్ద ట్రేడింగ్ ఆరంభించిన ఇండియన్ రూపాయి తర్వాత 76.85 స్థాయికి పడిపోయింది. ఇది ఆల్‌టైమ్ కనిష్ట స్థాయి. గత వారంలో ఇండియన్ రూపాయి అమెరికా డాలర్‌తో పోలిస్తే 76.55 స్థాయికి క్షీణించింది.


‘అమెరికా ట్రెజరీ ఈల్డ్స్ తగ్గాయి. కమోడిటీస్, కమోడిటీ కరెన్సీలు కూడా బలహీనంగా ఉన్నాయి. ఈక్విటీ మార్కెట్లు పడిపోతూ వస్తున్నాయి. దీంతో అమెరికా డాలర్ బలపడింది’ అని ఐఎఫ్ఏ గ్లోబల్ ఫౌండర్, సీఈవో అభిషేక్ గోయెంకా తెలిపారు. స్టాక్ మార్కెట్ల పతనం, కరోనా వైరస్ వల్ల నెలకొన్న ప్రతికూల పరిస్థితులు, అమెరికా డాలర్ బలపడటం వంటి అంశాలు రూపాయిపై ప్రతికూల ప్రభావం చూపాయని పేర్కొన్నారు.

Also Read: గుడ్ న్యూస్.. దిగొచ్చిన వెండి.. బంగారం ధర పైపైకి!

కేవలం ఇండియన్ కరెన్సీ మాత్రమే కాకుండా ఇతర దేశాల కరెన్సీలు కూడా క్షీణించాయి. అమెరికా డాలర్ ఇండెక్స్ 0.5 శాతం పెరుగుదలతో 99.98 స్థాయికి చేరింది. అమెరికా రిటైల్ అమ్మకాలు మార్చి నెలలో 8.7 శాతం తగ్గినప్పటికీ అమెరికా డాలర్ బలపడింది. అమ్మకాలు ఈ స్థాయిలో పడిపోవడం 1992 నుంచి ఇదే తొలిసారి. కరోనా వైరస్ ఎఫెక్ట్ ఇందుకు కారణం.

అంతేకాకుండా అమెరికా ఫెడరల్ రిజర్వు విడుదల చేసిన గణాంకాల ప్రకారం.. అమెరికా పారిశ్రామికోత్పత్తి కూడా గత నెలలో 6.3 శాతం పతనమైంది. 1946 నుంచి చూస్తే ఈ స్థాయిలో పడిపోవడం ఇదే తొలిసారి. అమెరికా డాలర్‌తో పోలిస్తే ఇండియన్ రూపాయి 76.45- 76.90 స్థాయిలో కదలాడవచ్చని గోయెంకా తెలిపారు. రిజర్వు బ్యాంక్ ఎలాంటి నిర్ణయం తీసుకుంటుంతో చూడాల్సి ఉందన్నారు.





Source link

Leave a Reply

Your email address will not be published. Required fields are marked *