rusks making at home: టీతో తినడానికి రస్క్స్ ఇంట్లోనే చేసుకోండిలా.. – how do you make rusks at home know here all details


బిస్కెట్లు, కుకీలు కొంచెం తియ్యగానే ఉంటాయి, కానీ రస్క్ లో తియ్యదనం చాలా బాలెన్స్డ్ గా ఉంటుంది. పైగా బిస్కెట్స్ కన్నా కూడా కరకరలాడుతూ ఉండేవి. మీకు కూడా రస్క్స్ ఇష్టముంటే, అవి టీలో ముంచి తిన్నప్పుడల్లా పాత విషయాలు గుర్తు వచ్చేవారైతే, ఈ సారి రస్క్స్ ని ఇంట్లోనే చేసుకోండి. కష్టం కదా, అంటున్నారా, లేదండీ.. ఈ సింపుల్ రెసిపీ చూడండి, ఎంత ఈజీనో.

Also Read : ఈ ఆసనాలతో మీ జీర్ణ సమస్యలు దూరం..

హోమ్ మేడ్ రస్క్స్ తయారు చేసే పద్ధతి:

1. కరకరలాడే రస్క్స్ కోసం ఓవెన్ ని 200 డిగ్రీల సెల్సియస్ దగ్గర ప్రీహీట్ చేయండి.
2. ఈ లోపు ఒక పెద్ద బౌల్ లో డెబ్భై ఐదు గ్రాముల పంచదార పొడి వేయండి.
3. అందులో అర కప్పు గోరు వెచ్చని నీరు పోయండి.
4. పంచదార కరిగిన తరువాత ఒక టీ స్పూన్ డ్రై యీస్ట్ కలపండి.
5. బాగా కలిపి ఈ బౌల్ ని పక్కన ఉంచండి.

Also Read : ఈ ఫుడ్‌తో అన్ని వ్యాధులు దూరం..

6. ఈ యీస్ట్ మిక్స్చర్ బాగా బుడగలు వచ్చిన తరువాత చిటికెడు ఉప్పు కలపండి.
7. ఆ తరువాత ఒక టేబుల్ స్పూన్ ఆయిల్ వేసి, ఒకటిన్నర కప్పు పిండి కలపండి.
8. మెత్తటి పిండి ముద్దలా చేయండి.
9. ఇలా చేస్తున్నప్పుడు వెచ్చని నీరు చల్లుతూ చేస్తే పింది సాఫ్ట్ గా వస్తుంది.
10. ఈ పిండిని మెత్తటి కిచెన్ టవల్ తో కవర్ చేసి పొంగనివ్వండి.
11. పిండి బాగా పొంగి ఫ్లఫ్ఫీ గా అయిన తరువాత మళ్ళీ మెత్తటి ముద్దలా కలపండి.
12. ఈ టైమ్ లో ఒక అర టీ స్పూన్ సోంపు పొడి కలిపితే రస్కులకి మంచి టేస్ట్ వస్తుంది.
13. ఒక బేకింగ్ టిన్ తీసుకుని దాని లోపల బటర్ కానీ, ఆయిల్ కానీ పోయండి.
14. ఇప్పుడు ఇందులో ఈ పిండి ముద్ద పెట్టి కావాల్సిన షేప్ లోకి తీసుకురండి.

Also Read : చేతులు కడుక్కోవడం ద్వారా ఎన్ని వ్యాధులు దూరమవుతాయంటే..

15. బేకింగ్ టిన్ లో ఈ పిండి ముద్ద సగం మాత్రమే నిండాలని గుర్తు పెట్టుకోండి. ఆ తరువాత అది పొంగినప్పుడు టిన్ లో ప్లేస్ ఉండాలి.
16. ఒక చిన్న బౌల్ లో రెండు టేబుల్ స్పూన్ల పాలు, చిటికెడు ఏలకుల పొడి, ఒక టీ స్పూన్ బటర్ వేసి బాగా కలపండి. ఈ మిక్స్చర్ ని పిండి ముద్ద పైనంతా బ్రష్ చేసి 200 డిగ్రీల సెల్సియస్ వద్ద నలభై నిమిషాలు బేక్ చేయండి.
17. పిండి పొంగి, పూతిగా బేక్ అయిపోయిన తరువాత, ఓవెన్ ఆఫ్ చేసేసి బేకింగ్ టిన్ ని బయటకు తీసేసి రూం టెంపరేచర్ కి వచ్చే వరకూ వదిలేయండి.
18. ఇప్పుడు దీన్ని మీకు నచ్చిన షేప్ లో స్లైస్ చేసి 180 డిగ్రీల సెల్సియస్ వద్ద మళ్ళీ బేక్ చేయండి.
19. స్లైసెస్ బ్రౌన్ గా క్రిస్పీ గా అయ్యే వరకూ బేక్ చేయండి.
20. వేడి వేడి టీ తో ఆస్వాదించండి.



Source link

Leave a Reply

Your email address will not be published. Required fields are marked *