sachin tendulkar: సచిన్ గాయం తెలిసే.. బౌన్సర్లు విసిరాను: షోయబ్ అక్తర్ – shoaib akhtar reveals why he targeted sachin with a barrage of bouncers


భారత దిగ్గజ క్రికెటర్ సచిన్ టెండూల్కర్ 2004-05లోనే మోచేతి గాయంతో కెరీర్‌కి వీడ్కోలు చెప్పేలా కనిపించాడు. అప్పట్లో ఆ గాయంతో తీవ్ర ఇబ్బందులు ఎదుర్కొన్న సచిన్.. మళ్లీ కమ్ బ్యాక్ చేస్తాడని ఎవరూ ఊహించలేదు. కానీ.. పట్టుదలతో సచిన్ ఆ గాయం నుంచి కోలుకుని 2013 వరకూ కెరీర్‌ని దిగ్విజయంగా కొనసాగించాడు. కానీ.. సచిన్ మోచేతి గాయంతో ఇబ్బంది పడే రోజుల్లో తాను ఉద్దేశపూర్వకంగానే బౌన్సర్లని సంధించినట్లు పాకిస్థాన్ మాజీ ఫాస్ట్ బౌలర్ షోయబ్ అక్తర్ తాజాగా వెల్లడించాడు.

Read More: IND vs AUS టెస్టు సిరీస్ షెడ్యూల్ ఖరారు..!

పాకిస్థాన్ పర్యటనకి 2006లో టీమిండియా వెళ్లగా.. అప్పుడప్పుడే మోచేతి (టెన్నిస్‌ ఎల్బో) గాయం నుంచి సచిన్ కోలుకున్నాడు. దాంతో.. సచిన్‌ని నియంత్రించడానికి తాను బౌన్సర్ బంతుల్ని ఆశ్రయించినట్లు అక్తర్ చెప్పుకొచ్చాడు. ‘‘సచిన్‌కి టెన్నిస్ ఎల్బో గాయం ఉందని నాకు తెలుసు. అందుకే.. ఆ టూర్‌లో అతడ్ని నియంత్రించేందుకు నేను వరుస బౌన్సర్లని సంధించాను. దాంతో.. గాయం మళ్లీ తిరగబడుతుందేమోనని సచిన్ ఆ బౌన్సర్లని హుక్ లేదా ఫుల్ చేయలేకపోయాడు’’ అని అక్తర్ వెల్లడించాడు.

Read More: టీ20 వరల్డ్‌కప్ 2022కి వాయిదా..? ఐపీఎల్ 2020‌కి లైన్ క్లియర్

వాస్తవానికి అప్పటికే షోయబ్ అక్తర్ బౌలింగ్‌ని సచిన్ టెండూల్కర్ ఉతికారేశాడు. 2003 వన్డే ప్రపంచకప్‌లో అక్తర్ విసిరిన బౌన్సర్ బంతిని అప్పర్ కట్ రూపంలో కళ్లుచెదిరే సిక్స్ బాదిన సచిన్.. క్రికెట్ ప్రపంచాన్ని ఆశ్చర్యపరిచాడు. ఇప్పటికీ సచిన్, అక్తర్ మధ్య ఆధిపత్య పోరు గురించి ప్రస్తావన వస్తే..? ఆ సిక్సర్‌ గురించే చెప్తుంటారు.



Source link

Leave a Reply

Your email address will not be published. Required fields are marked *