sachin tendulkar records: స‌చిన్ వ‌ర‌ల్డ్‌క‌ప్ రికార్డు గ‌ల్లంతు.. కేవలం నిమిషం తేడాతో! – kane williamson holds the record for batting for most minutes in a odi world cup, beats sachin tendulkar


వ‌న్డే ప్ర‌పంచ‌క‌ప్‌.. క్రికెట్ ప్ర‌పంచంలో అత్యున్నత శిఖ‌రమ‌న‌డంలో ఎలాంటి సందేహం లేదు. ఎంతోమంది క్రికెట‌ర్లు ఈ క‌ప్పును సాధించ‌డం కోస‌మే ఆట‌ను ప్రారంభించారు కూడా. ఈ టోర్నీలో భార‌త మాజీ కెప్టెన్ స‌చిన్ టెండూల్క‌ర్ పేరిట ఎన్నో రికార్డులు ఉన్నాయి. అత్యధిక పరుగులు (2,278), అత్య‌ధిక సెంచరీల (6) రికార్డులు స‌చిన్ పేరిటే ఉన్నాయి. వ‌ర‌ల్డ్‌క‌ప్‌కు సంబంధించి ఒక రికార్డు గ‌ల్లంతైంది. టోర్నీలో అత్య‌ధిక ‌కాలంపాటు క్రీజులో గ‌డిపిన రికార్డును కివీస్ కెప్టెన్ కేన్ విలియ‌మ్స‌న్ సచిన్ నుంచి సొంతం చేసుకున్నట్లు వెలుగులోకి వచ్చింది.


కేవ‌లం ఒక్కే ఒక్క నిమిషం తేడాతో స‌చిన్ రికార్డును కేన్ బ‌ద్ద‌లు కొట్ట‌డం విశేషం. ద‌క్షిణాఫ్రికాలో జ‌రిగిన వన్డే ప్ర‌పంచ‌క‌ప్‌లో సచిన్‌.. 1130 నిమిషాల‌పాటు క్రీజులో నిలిపి, స‌రికొత్త రికార్డును నెల‌కొల్పాడు. 16 ఏళ్ల త‌ర్వాత కేన్ ఈ రికార్డును స‌వ‌రించాడు. ఇంగ్లాండ్‌లో గ‌తేడాది జ‌రిగిన మెగాటోర్నీలో త‌ను 1,131 నిమిషాల‌పాటు క్రీజులో నిలిచి, అరుదైన రికార్డును సొంతం చేసుకున్నాడు.


ఈ టోర్నీలో కివీస్ ఫైన‌ల్ చేర‌డంలో కేన్ కీల‌కపాత్ర పోషించాడు. 82కిపైగా స‌గ‌టుతో 578 ప‌రుగులు చేశాడు. ఇందులో రెండేసి చొప్పున సెంచ‌రీలు, అర్ధ‌సెంచ‌రీలు ఉన్నాయి. ఇంత శ్ర‌మించిన లాభం లేక‌పోయింది. ఈ ఎడిష‌న్‌లో ఇంగ్లాండ్ చేతిలో ఓడిన న్యూజిలాండ్ వ‌రుస‌గా రెండోసారి ర‌న్న‌ర‌ప్‌గానే నిలిచింది. మ‌రోవైపు 2003లోనూ స‌చిన్ సూప‌ర్ ఫామ్ క‌న‌బ‌ర్చినా భార‌త్ ర‌న్న‌ర‌ప్‌గానే నిలిచి సంగ‌తి తెలిసిందే.



Source link

Leave a Reply

Your email address will not be published. Required fields are marked *