SAI’s SOP: సాయ్ కేంద్రాల్లో క్రీడలకు రైట్ రైట్.. కీలక మార్గదర్శకాలు జారీ – coronavirus update: sai releases sop for resumption of sports activities


కరోనా వైరస్ విస్తరణ కారణంగా వాయిదా పడిన క్రీడా కార్యాకలాపాలు తిరిగి ప్రారంభమయ్యేందుకు సాయ్ చర్యలు తీసుకుంటోంది. తాజాగా దేశవ్యాప్తంగా క్రీడా కార్యకలాపాలు పున:ప్రారంభమవడం కోసం కీలక మార్గదర్శకాలు జారీ చేసింది. అంతకుముందు అన్ని విభాగాల వారితో సాయ్ ముఖ్యులు వీడియో కాన్ఫరెన్స్ నిర్వహించారు. సాయ్ సెక్రటరీ రోహిత్ భరద్వాజ్ నేతృత్వంలోని ఆరుగురు క‌మిటీ స‌భ్యులు రూపొందించిన స్టాండ‌ర్ ఆపరేటింగ్ ప్రొసీజ‌ర్ (ఎస్ఓపీ)ని అందరికీ తెలియ జేశారు. అనంత‌రం మీడియాకూ వీడియో కాన్ఫరెన్స్ ‌ద్వారానే ఈ వివ‌రాలు వివరించారు.

క‌రోనా వైర‌స్ (కోవిడ్‌-19)పై ప్ర‌భుత్వం జారీ చేసిన మార్గ‌ద‌ర్శ‌కాలే ఇంచుమించుగా సాయ్ రూపొందించిన ఎస్ఓపీలో ఉన్నాయి. క్రీడా కార్య‌క‌లాపాలు ప్రారంభించబోయే ప్లేయ‌ర్లంతా త‌ప్ప‌నిస‌రిగా వీటిని పాటించాలంటూ సాయ్ ఆదేశాలు జారీ చేసింది. ముఖ్యంగా ఫేస్ మాస్కు ధ‌రించడం, భౌతిక దూరం పాటించ‌డం, చేతుల‌ను శుభ్ర‌ప‌ర్చుకోవ‌డం, వ్య‌క్తిగ‌త ప‌రిశుభ్ర‌త పాటించ‌డం లాంటి నిబంధనలను పొందుపరిచారు. తొలుత ఈ ఎస్ఓపీపై సాయ్ సెక్ర‌ట‌రీ భ‌రద్వాజ్ క్లుప్తంగా చెప్పారు. అనంత‌రం స్పోర్ట్స్ సైన్స్ డీన్ డా.స‌‌ర‌ళ డీటైల్డ్‌గా వివ‌రించారు. ఈ ఆదేశాలు త‌క్ష‌ణ‌మే అన్ని త‌మ‌ సెంట‌ర్ల‌లో త‌క్ష‌ణ‌మే అమ‌ల్లోకి వ‌స్తాయ‌ని సాయ్ పేర్కొంది. ఈ మార్గదర్శకాల ముఖ్యొద్దేశం ఖేలో ఇండియాను పున:ప్రారంభించడమేనని తెలిపింది.



Source link

Leave a Reply

Your email address will not be published. Required fields are marked *