Saleem Malik: నన్ను క్షమించండి.. 19 ఏళ్ల తర్వాత సారీ చెప్పిన పాక్ క్రికెటర్ – former pakistan cricketer saleem malik openly apologizes for his fixing allegations


మ్యాచ్ ఫిక్సింగ్‌కి పాల్పడి జీవితకాలం నిషేధం ఎదుర్కొంటున్న పాకిస్థాన్ మాజీ క్రికెటర్ సలీమ్ మాలిక్.. 19 ఏళ్ల తర్వాత తాజాగా అభిమానులకి బహిరంగ క్షమాపణలు చెప్పాడు. 2000లో మ్యాచ్‌ ఫిక్సింగ్‌కి పాల్పడి దొరికిపోయిన సలీమ్ మాలిక్‌పై అప్పట్లో పాకిస్థాన్ క్రికెట్ బోర్డు (పీసీబీ) జీవితకాలం నిషేధం విధించింది. దీంతో.. అప్పటి నుంచి ఈ మాజీ క్రికెటర్‌ ఆటకి దూరమైపోయాడు. అయితే.. ఈ మధ్యకాలంలో అతను పాక్ హెడ్ కోచ్, బ్యాటింగ్ కోచ్‌ కోసం దరఖాస్తు చేసుకోగా.. పీసీబీ అతడి అప్లికేషన్‌ని తిరస్కరించింది.

‘‘19 ఏళ్ల క్రితం నేను చేసిన తప్పునకి నన్ను క్షమించండి. ఇప్పుడు కూడా అంతర్జాతీయ క్రికెట్ కౌన్సిల్, పాకిస్థాన్ క్రికెట్ బోర్డుకి ఆ ఫిక్సింగ్‌ విషయంలో సంప్రదించేందుకు నేను సిద్ధం. నాకు క్రికెట్ తప్ప మరొకటి తెలీదు. 8 ఏళ్ల వయసు నుంచే క్రికెట్‌ ఆడుతూ పెరిగాను. పీసీబీ నాపై విధించిన జీవితకాలం నిషేధంపై మానవ హక్కుల సంఘాన్ని ఆశ్రయించబోతున్నాను’’ అని సలీమ్ మాలిక్ వెల్లడించాడు.

సలీమ్ మాలిక్ తర్వాత ఫిక్సింగ్‌కి పాల్పడిన కొంత మంది పాకిస్థాన్ క్రికెటర్లు.. కొంత కాలం నిషేధానికి గురై మళ్లీ పాక్ తరఫున మ్యాచ్‌లు ఆడారు. ఇందులో మహ్మద్ అమీర్, సల్మాన్ భట్, మహ్మద్ ఆసిఫ్, షర్జీల్ ఖాన్ తదితరులు ఉన్నారు. కొంత మంది క్రికెటర్లపై జీవితకాలం నిషేధం విధించిన పీసీబీ.. మధ్యలో వారికి శిక్షని కూడా తగ్గించింది. కానీ.. తనపై మాత్రం గత 19 ఏళ్లుగా పీసీబీ వివక్ష చూపుతోందని సలీమ్ మాలిక్ ఆరోపించాడు.



Source link

Leave a Reply

Your email address will not be published. Required fields are marked *