sand crisis in andhra pradesh: తోపుడు బండిపై ఇసుక అమ్ముకున్న ఎమ్మెల్యే.. ‘భారతీ ఇసుక’ అంటూ.. – palakollu mla nimmala ramanaidu protest against sand crisis in ap


ఏపీలో ఇసుక కొరతపై టీడీపీ ఎమ్మెల్యే నిమ్మల రామానాయుడు వినూత్న రీతిలో నిరసన వ్యక్తం చేశారు. తన నియోజకవర్గం పాలకొల్లులోని క్యాంపు కార్యాలయం నుంచి తహసీల్దార్ కార్యాలయం వరకు తోపుడుబండిపై ఇసుక ప్యాకెట్లు విక్రయిస్తూ పాదయాత్ర చేశారు. ‘భారతీ ఇసుక’ పేరుతో వ్యంగ్యంగా ఇసుక ప్యాకెట్లు రూపొందించిన ఆయన.. దానికి జే ట్యాక్స్ అదనం అంటూ నిరసన వ్యక్తం చేశారు.

Also Read: హైకోర్టు నిర్ణయంపై ఏపీ సర్కార్ సవాల్.. సుప్రీంకోర్టులో పిటిషన్

అంతేకాక బంగారానికి ఇసుకను అమ్ముతూ రాష్ట్రంలో ఇసుక కొరత తీవ్ర స్థాయిలో ఉందనే విషయాన్ని చాటేలా ఆయన నిరసన వ్యక్తం చేశారు. రాయలవారి హయాంలో రత్నాలను రాసులుగా పోసి అమ్మితే జగన్ పాలనలో ఇసుకే రత్నాలుగా అమ్ముతున్నారని ఎమ్మెల్యే నిమ్మల రామానాయుడు ఎద్దేవా చేశారు. మార్కెట్‌లో బంగారం దొరుకుతోందని.. కానీ ఇసుక దొరకడంలేదని అన్నారు. ఇసుక సంక్షోభానికి నిరసనగా కొందరు మహిళలు గాజులు, కమ్మలు ఎమ్మెల్యేకు ఇవ్వగా దానికి సరితూగే ఇసుకను కొలిచి ఎమ్మెల్యే వారికి అందించారు.

రాష్ట్రంలో జే ట్యాక్స్‌తో కూడిన భారతీ ఇసుక మాత్రమే కనిపిస్తోందని ఎమ్మెల్యే ఎద్దేవా చేశారు. వైసీపీ నేతల ఇంట్లో మాత్రం ఇసుక పంట పండుతోందని నిమ్మల రామానాయుడు ఆరోపించారు.

Also Read: నీళ్ల గొడవ: కరెంటు, నీళ్లను ఇలా పంచుకోండి.. బోర్టు సూచనకు ఏపీ, తెలంగాణ ఓకే భారతి ఇసుక – జె టాక్స్ అదనం https://t.co/yuZZfJyH0w— Nimmala Ramanaidu (@RamanaiduTDP) 1591267276000



Source link

Leave a Reply

Your email address will not be published. Required fields are marked *