Sania Mirza : కరోనా ఎఫెక్ట్: పేదలను ఆదుకోవాలని సానియా విజ్ఞప్తి – indian tennis star sania mirza pledges to raise funds for daily wage workers


కరోనా వైరస్ కారణంగా ప్రపంచమంతా స్తంభించిపోయి ప్రజలంతా ఇబ్బందులు పడుతున్నారు. తాజాగా వైరస్‌పై భారత అగ్రశ్రేణి టెన్నిస్ ప్లేయర్ సానియా మీర్జా స్పందించింది.

Subani Shaik |
Samayam Telugu | Updated:

Sania Mirza

క‌రోనా వైరస్ కారణంగా ప్రపంచమంతా స్తంభించిపోయిన తన సంగతి తెలిసిందే. మహమ్మారి నుంచి తప్పించుకునేందుకు ప్రతి ఒక్కరు ఇంటికే పరిమితం కావాలని ప్రభుత్వాలు విజ్ఞప్తి చేస్తున్నాయి. అయితే ఈ వైరస్ ప్రభావం అసంఘటిత రంగంలోని కార్మికులకు తీవ్ర ప్రభావం చూపించింది. రెక్కాడితేగాని డొక్కాడని నిరుపేద కుటుంబాల జీవితం ఎలా గడుస్తుందో తెలియడం లేదు. ఈ నేపథ్యంలో పేద ప్రజలను ఆదుకునేందుకు అంద‌రూ స్పందించాల‌ని భారత అగ్రశ్రేణి టెన్నిస్ ప్లేయర్ సానియా మీర్జా పిలుపునిచ్చింది. సోషల్ మీడియా వేదికగా తాజాగా ఆమె దీని గురించి ఒక పోస్ట్ చేసింది.


‘ప్రస్తుత పరిస్థితి చాలా క్లిష్టమైనది. పరిస్థితిని చక్కదిద్దే వరకు మనకు ఓపిక‌ ప‌ట్టేంతా శక్తియుక్తులు ఉన్నాయి. అయితే చాలా మంది పేద ప్రజలకు ఈ వెసులుబాటు లేదు. ఏ రోజు ప‌నిచేస్తేనే వాళ్లకు ఆ రోజు గ‌డుస్తుంది. మ‌న‌ శక్తి మేరకు వాళ్ళను ఆదుకునే ప్రయత్నం చేయాలి. ఈ విపత్కర పరిస్థితుల్లో నా స్నేహితులతో కలిసి కొన్ని కుటుంబాల‌కు సహాయం చేస్తున్నాను. మీరు కూడా దీనిపై స్పందించండి’ అని సానియా మీర్జా తన ఇన్‌స్టాగ్రామ్ లో పోస్ట్ చేసింది.

క‌రోనా వైరస్ నేపథ్యంలో భారత ప్రధానమంత్రి నరేంద్ర మోదీ తాజాగా మరోసారి స్పందించారు. రాబోయే 21 రోజుల పాటు దేశాన్ని స్తంభింపజేయనున్నట్లు ఆయన స్పష్టం చేశారు. ఈ విపత్కర పరిస్థితుల్లో ప్రజలందరూ ఇళ్లలోనే గడపాలని సూచించారు. అప్పుడే ఈ కరోనా మహమ్మారిని ఎదుర్కొనేందుకు మనకు అవ‌కాశం చిక్కుతుంద‌ని అభిప్రాయపడ్డారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title indian tennis star sania mirza pledges to raise funds for daily wage workers

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *