Sania Mirza: ప్ర‌తిష్టాత్మ‌క ఫెడ్‌క‌ప్ అవార్డుకు సానియా మీర్జా నామినేట్‌ – indian ace tennis player sania mirza has nominated for fed cup heart award


ప్ర‌తిష్టాత్మ‌క ఫెడ్ క‌ప్ హార్ట్ అవార్డుకు భార‌త టెన్నిస్ స్టార్ సానియా మీర్జా గురువారం నామినేట్ అయింది. ఈ ఘ‌న‌త సాధించిన తొలి ఇండియ‌న్ సానియా కావ‌డం విశేషం. ఆసియా/ఓషియానియా జోన్ నుంచి ఇండోనేసియాకు చెందిన ప్రిస్కా మెడ‌లైన్ నుగ్రోరోతో సానియా ఈ అవార్డు కోసం పోటీప‌డ‌నుంది. ఇటీవ‌లే నాలుగేళ్ల సుదీర్ఘ విరామం త‌ర్వాతే ఫెడ్ క‌ప్‌లో సానియా రీఎంట్రీ ఇచ్చింది. ఈక్ర‌మంలో చ‌రిత్ర‌లో తొలిసారిగా భార‌త్ ప్లే ఆఫ్స్‌కు అర్హ‌త సాధించింది.


‘ భారత్ తరపున 2003లో తొలిసారి టెన్నిస్ కోర్టులోకి అడుగుపెట్టడం నాకు చాలా గర్వకారణం. గ‌త 18 ఏళ్ళుగా భార‌త విజ‌యాల్లో పాలుపంచుకోవ‌డం చాలా హ్యాపీగా ఉంది. గ‌త‌నెల‌లో ఫెడ్‌క‌ప్‌లో భార‌త్ ముందంజ వేయ‌డం నా కెరీర్‌లోనే గొప్ప అచీవ్‌మెంట్‌. ఇలాంటి విజ‌యాల కోస‌మే ప్లేయ‌ర్లు బ‌రిలోకి దిగుతారు. ఈ అవార్డుకు న‌న్ను నామినేట్ చేసిన ప్యానెల్‌కు థ్యాంక్స్‌’ అని సానియా తెలిపింది.


మ‌రోవైపు ఈ అవార్డు విజేత‌ను ఎంపిక చేయ‌డం కోసం ఆన్‌లైన్ పోల్‌ను నిర్వ‌హిస్తున్నారు. ఇది మే 1 నుంచి మే 8 వ‌రకు అందుబాటులో ఉంటుంది. నెటిజ‌న్లు త‌మ‌కు న‌చ్చిన ప్లేయ‌ర్ల‌కు ఓటు వేయాల్సి ఉంటుంది. అత్యధిక ఓట్లు వ‌చ్చిన వారిని విజేత‌గా నిర్ణ‌యిస్తారు.



Source link

Leave a Reply

Your email address will not be published. Required fields are marked *