Sania Mirza: సానియా మీర్జా కొత్త చరిత్ర.. ఫెడ్ క‌ప్ హార్ట్ అవార్డు కైవ‌సం.. ఈ ఘ‌న‌త సాధించిన తొలి ఇండియ‌న్‌ – indian tennis player sania mirza wins fed cup heart award, donates prize money to cm’s relief fund


ప్రతిష్టాత్మక ఫెడ్ కప్ హార్ట్ అవార్డును భారత ఏస్ టెన్నిస్ ప్లేయర్ సానియా మీర్జా కైవసం చేసుకుంది. దీంత ఈ ఘ‌న‌త సాధించిన తొలి ఇండియ‌న్ ప్లేయ‌ర్‌గా రికార్డుల‌కెక్కింది. ఆసియా/ఓషియానియా జోన్ నుంచి సానియా ఈ అవార్డుకు ఎంపికైంది. ఆన్‌లైన్ ద్వారా నిర్వ‌హించిన పోలింగ్‌లో ఇండోనేసియాకు చెందిన ప్రిస్కా మాడెలీన్ నుగ్రోహోను సానియా ఓడించింది. టోట‌ల్ పోలైన ఓట్ల‌లో 60 శాతానిక‌పైగా ఓట్లు సానియా సాధించ‌డం విశేషం. అవార్డు ప్ర‌క‌ట‌న అనంత‌రం సానియా మాట్లాడుతూ..‘ఈ అవార్డును గెలుపొదిన తొలి ఇండియ‌న్‌గా నిల‌వ‌డం గౌర‌వంగా ఉంది. ఈ అవార్డును దేశంతోపాటు నా అభిమానుల‌కు అంకిత‌మిస్తున్నా. నాకు ఓటేసిన వారంద‌రికీ కృత‌జ్ఞ‌త‌లు. భ‌విష్య‌త్తులో దేశానికి మ‌రింత కీర్తి ప్ర‌తిష్ట‌లు తీసుకొస్తాన‌ని ఆశిస్తున్నా’ అని పేర్కొంది.


ఈ అవార్డు గెలిచినందుకుగాను సానియాకు రెండువేల అమెరిక‌న్ డాల‌ర్ల ప్రైజ్‌మనీ ( రూ. సుమారు లక్షా 52 వేలు) ద‌క్క‌నుంది. అయితే ఈ మొత్తాన్ని క‌రోనా పోరులో భాగంగా తెలంగాణ ముఖ్య‌మంత్రి స‌హాయ‌నిధికి విరాళంగా ఇస్తున్న‌ట్లు సానియా తెలిపింది. దాదాపు రెండేళ్ల త‌ర్వాత ఫెడ్‌క‌ప్‌లో పున‌రాగ‌మ‌నం చేసిన సానియా.. భార‌త్‌ను ప్లే ఆఫ్స్‌కు చేర్చ‌డంలో కీల‌క‌పాత్ర పోషించింది. సానియా అంత‌ర్జాతీయ కెరీర్‌లో ఆరు డ‌బుల్స్ గ్రాండ్‌స్లామ్ టైటిళ్లు ఉన్నాయి. అలాగే గ‌తంలో ఆమె మ‌హిళ‌ల డ‌బుల్స్ నెం.1 ర్యాంకులో కూాడా నిలిచింది.



Source link

Leave a Reply

Your email address will not be published. Required fields are marked *