Sarfaraz Ahmed: రీఎంట్రీపై కన్నేసిన పాకిస్థాన్ మాజీ కెప్టెన్ సర్ఫరాజ్ – ‘i use the street in front of my house for running’ – former pakistan captain sarfaraz ahmed


పాకిస్థాన్ మాజీ కెప్టెన్ సర్ఫరాజ్ అహ్మద్ రీఎంట్రీపై కన్నేశాడు. గత ఏడాది అక్టోబరులో పేలవ ఫామ్, ఫిట్‌నెస్ కారణంగా కెప్టెన్సీతో పాటు జట్టులోనూ చోటు కోల్పోయిన సర్ఫరాజ్ అహ్మద్.. ఈ ఏడాది ఆగస్టులో ఇంగ్లాండ్ పర్యటనకి ఎంపికవ్వాలని ఆశిస్తున్నాడు. ఇటీవల జరిగిన పాకిస్థాన్ సూపర్ లీగ్ (పీఎస్‌ఎల్)‌లో 9 మ్యాచ్‌లాడిన సర్ఫరాజ్ అహ్మద్ 21.14 సగటుతో 148 పరుగులు మాత్రమే చేశాడు.

వాస్తవానికి సర్ఫరాజ్ అహ్మద్ ఫామ్ కంటే ఫిట్‌నెస్ గురించే గత రెండేళ్లుగా పెద్ద ఎత్తున చర్చ నడుస్తోంది. ముఖ్యంగా.. 2019 వన్డే ప్రపంచకప్‌లో భారత్‌తో జరిగిన మ్యాచ్‌లో వికెట్ల వెనుక సర్ఫరాజ్ అలసటగా ఆవలింతలు తీయడం అప్పట్లో విమర్శలు తావిచ్చింది. పాక్ క్రికెట్‌ చరిత్రలోనే అత్యంత పేలవ ఫిట్‌నెస్ ఉన్న కెప్టెన్ సర్ఫరాజ్ అని ఆ దేశ మాజీ క్రికెటర్లు పెదవివిరిచారు.

ఇంగ్లాండ్ పర్యటనకి రెండో వికెట్ కీపర్‌గా సర్ఫరాజ్ అహ్మద్ ఎంపికయ్యే అవకాశం ఉందని ఇటీవల పాకిస్థాన్ చీఫ్ కోచ్/ సెలక్టర్ మిస్బావుల్ హక్ ప్రకటించాడు. మరోవైపు సర్ఫరాజ్ కూడా తాను ఫిట్‌నెస్ మెరుగుపర్చుకునే పనిలో బిజీగా ఉన్నట్లు వెల్లడించాడు. ‘‘గత కొన్ని నెలలుగా ఫిట్‌నెస్ మెరుగుపర్చుకునేందుకు ప్రయత్నిస్తున్నాను. కరోనా వైరస్ కారణంగా లాక్‌డౌన్ వేళ.. ఇంట్లోనే ఫిజికల్ ట్రైనింగ్‌ని కంటిన్యూ చేస్తూ.. మా ఇంటి ముందు ఉన్న వీధిలో రన్నింగ్ ప్రాక్టీస్ కూడా చేస్తున్నాను’’ అని వెల్లడించాడు.



Source link

Leave a Reply

Your email address will not be published. Required fields are marked *