sathupalli bus moving back: బస్సును వెనక్కి నెట్టేసిన రాకాసి గాలి.. రోడ్డు దాటి, చెట్టును ఢీ కొట్టి ఆగిన వైనం.. – strong winds forced bus to move back in sathupalli town


వేసవి కాలం గాలిదుమారాలు సహజం. కానీ ఈ సీజన్లో గాలి దుమారాలు జనాలను భయపెడుతున్నాయి. గాలుల వేగం తీవ్రతకు టన్నుల కొద్దీ బరువులు సైతం కదిలిపోతున్నాయి. ఖమ్మం జిల్లా సత్తుపల్లిలో బలంగా వీచిన గాలులు ఏకంగా ఓ బస్సునే వెనక్కు నెట్టేసిన వీడియో వైరల్‌గా మారింది. శనివారం సాయంత్రం సత్తుపల్లి పరిసర ప్రాంతాల్లో తీవ్రమైన గాలులు వీచాయి. గాలుల తీవ్రతకు మారుతి రెస్టారెంట్‌ సమీపంలో పార్కింగ్‌ చేసిన ఓ ప్రయివేట్‌ బస్సు వెనక్కి వెళ్లింది. గాలులు బలంగా వీయడంతో.. వంద మీటర్ల దూరం వెనక్కి వెళ్లిన బస్సు.. రోడ్డు దాటి వెళ్లి అవతల వైపు ఉన్న చెట్టును ఢీకొట్టి ఆగిపోయింది.

ఆ సమయంలో బస్సులో ఎవరూ లేకపోవడంతో ప్రమాదం తప్పింది. బలంగా వీస్తోన్న గాలుల ధాటికి బస్సు వెనక్కి వెళ్తున్న వీడియో సోషల్ మీడియాలో వైరల్‌గా మారింది. ఏప్రిల్ నెలలో వీచిన గాలుల తీవ్రతకు భద్రాద్రి కొత్తగూడెం జిల్లాలో సీతారామ ప్రాజెక్టు పైపులు సైతం కదిలాయి. టన్నుల కొద్దీ బరువున్న ఈ పైపులు గాలుల తీవ్రతకు అటూ ఇటూ కదలడంతో.. సమీపంలో తలదాచుకున్న ప్రాజెక్టు కూలీలు అక్కడి నుంచి మరో చోటుకు వెళ్లిపోయారు.



Source link

Leave a Reply

Your email address will not be published. Required fields are marked *