Satya Nadella: వర్క్ ఫ్రమ్ హోం మానసిక సమస్యలకు దారితీయొచ్చు.. సత్య నాదెళ్ల కీలక వ్యాఖ్యలు – work from home can be damaging for mental health of employees, says satya nadella


రోనా కట్టడి కోసం విధించిన లాక్‌డౌన్‌తో ఐటీ, మీడియా తదితర రంగాలకు చెందిన సంస్థలు తమ కార్యకలాపాలు స్తంభించకుండా ఉద్యోగులకు వర్క్ ఫ్రమ్ హోమ్ అవకాశాన్ని కల్పించాయి. కరోనా విజృంభణ ఇప్పుడప్పుడే సమసిపోదని తేటతెల్లమవుతున్న వేళ పలు సంస్థలు ఈ ఏడాది చివరి వరకు వర్క్ ఫ్రమ్ హోమ్ ఇస్తున్నట్లు ప్రకటించాయి. ఇలాంటి తరుణంలో మైక్రోసాఫ్ట్ సీఈవో సత్య నాదెళ్ల కీలక వ్యాఖ్యలు చేశారు.

దీర్ఘకాలం పాటు ఇంటి నుంచి పని చేయడం వల్ల కొన్ని సమస్యలు తలెత్తే ప్రమాదం ఉందని సత్య నాదెళ్ల అభిప్రాయపడ్డారు. ఉద్యోగులపై మానసికంగానూ ప్రభావం పడే ప్రమాదం ఉందని ఆందోళన వ్యక్తం చేశారు. కార్యాలయాల్లో ఏవైనా సమావేశాలకు సంబంధించి ఎదురుగా కలవడానికి, ఆన్‌లైన్‌ ద్వారా మాట్లాడుకోవడానికి చాలా తేడా ఉంటుందని ఆయన చెప్పుకొచ్చారు.

వర్క్ ఫ్రమ్ హోం వల్ల ఉద్యోగులు సమాజంలో కలవలేని పరిస్థితులు దాపురిస్తాయని సత్య నాదెళ్ల వ్యాఖ్యానించారు. ఇది వారి మానసిక ఆరోగ్యంపై ప్రభావం చూపే ప్రమాదం ఉంటుందని అభిప్రాయపడ్డారు. ఓ మీడియా సంస్థతో మాట్లాడుతూ ఆయన ఈ వ్యాఖ్యలు చేశారు. ప్రముఖ సంస్థ ట్విటర్ ఈ ఏడాది చివరివరకు తమ ఉద్యోగులకు వర్క్ ఫ్రమ్ హోం కల్పిస్తున్నట్లు ప్రకటించిన మరుసటి రోజే సత్య నాదెళ్ల ఈ వ్యాఖ్యలు చేయడంతో ఈ అంశం హాట్ టాపిక్‌గా మారింది.

వర్క్ ఫ్రమ్ హోం కంపెనీలకు ఎప్పటికీ మంచిది కాదని సత్య నాదెళ్ల అభిప్రాయపడ్డారు. పరిస్థితి ఇలాగే కొనసాగితే చాలా కంపెనీలు నియమ నిబంధనలు కూడా మార్చుకోవాల్సి వస్తుందని అభిప్రాయపడ్డారు. గూగుల్, యాపిల్ లాంటి దిగ్గజ సంస్థలు ఇప్పటికే తమ ఉద్యోగులకు 2020 డిసెంబర్ వరకు వర్క్ ఫ్రమ్ హోం కల్పిస్తూ నిర్ణయం ప్రకటించాయి. మైక్రోసాఫ్ట్ కూడా తమ ఉద్యోగులకు అక్టోబర్ వరకు వర్క్ ఫ్రమ్ హోం కల్పించింది.

లాక్‌డౌన్ ఎత్తేసినప్పటికీ కొన్ని దిగ్గజ కంపెనీలు వర్క్ ఫ్రమ్ హోమ్‌ పెంచుతున్నట్లు ప్రకటించిన నేపథ్యంలో సత్య నాదెళ్ల వ్యాఖ్యలు ప్రాధాన్యం సంతరించుకున్నాయి. అంతేకాకుండా భవిష్యత్తులో ఇలాంటి ప్రమాదాలను ఎదుర్కోవడం కోసం ఇంటి నుంచే పనిచేయించుకోవాలని పలువురు ప్రముఖులు అభిప్రాయపడుతుండగా.. ఈ అంశంపై సత్య నాదెళ్ల వ్యాఖ్యలు చర్చనీయాంశంగా మారాయి.

Also Read:కశ్మీర్‌లో మరో మేజర్ ఎన్‌కౌంటర్.. హిజ్బుల్ టాప్ కమాండర్ హతం

Must Read:రేప్ బాధితురాలి 24 వారాల గర్భం తొలగింపునకు హైకోర్టు అనుమతి



Source link

Leave a Reply

Your email address will not be published. Required fields are marked *