SBI, ఆంధ్రా బ్యాంక్‌లకు వెళ్లక్కర్లేదు.. ఫోన్ చేస్తే ఇంటికే డబ్బులు!



కేంద్ర ఆర్థిక మంత్రి నిర్మలా సీతారామన్ ఇటీవలనే డోర్ స్టెప్ బ్యాంకింగ్ సర్వీసులను ఆవిష్కరించారు. ప్రభుత్వ రంగ బ్యాంకులకు ఇది వర్తిస్తుంది. కోవిడ్ 19 ప్రతికూల పరిస్థితుల్లో మోదీ సర్కార్ ఈ సర్వీసులు తీసుకువచ్చింది. ఈ సేవల వల్ల బ్యాంక్ కస్టమర్లకు ప్రయోజనం కలుగనుంది.

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI, ఆంధ్రా బ్యాంక్ సహా ఇతర ప్రభుత్వ బ్యాంకులు ఈ డోర్ స్టెప్ బ్యాంకింగ్ సేవలు అందిస్తున్నాయి. వికలాంగులు, సీనియర్ సిటిజన్స్ డోర్ స్టెప్ బ్యాంకింగ్ సేవల ద్వారా ఇంటి వద్దకే పలు రకాల బ్యాంక్ సేవలు పొందొచ్చు. వీటి కోసం బ్యాంక్‌కు వెళ్లక్కర్లేదు.

Also Read:

డోర్‌స్టెప్ బ్యాంకింగ్ సర్వీసుల కోసం కస్టమర్లు ముందుగానే రిజిస్టర్ చేసుకోవాలి. బ్యాంక్ వెబ్‌సైట్ లేదా మొబైల్ యాప్ ద్వారా ఈ బెనిఫిట్స్ పొందొచ్చు. లేదంటే కాల్ సెంటర్‌కు కాల్ చేయొచ్చు. బ్యాంక్ బ్రాంచుకు 5 కిలోమీటర్ల విస్తీర్ణంలో డోర్ స్టెప్ బ్యాంకింగ్ సర్వీసులు అందుబాటులో ఉంటాయి. ఎస్ఎంఎస్ ద్వారా కూడా డోర్‌స్టెప్ బ్యాంకింగ్ సేవలను యాక్టివేట్ చేసుకోవచ్చు.

Also Read:

అక్టోబర్ 1 నుంచే ప్రభుత్వ రంగ బ్యాంకుల డోర్ స్టెప్ బ్యాంకింగ్ సర్వీసులు అందుబాటులోకి వచ్చాయి. మీరు స్టేట్ బ్యాంక్ కస్టమర్ అయితే టోల్ ఫ్రీ నెంబర్‌కు కాల్ చేసి ఈ సర్వీసులు యాక్టివేట్ చేసుకోవచ్చు. అకౌంట్ చివరి నాలుగు అంకెలు చెప్పాలి. ఫైనాన్షియల్, నాన్ ఫైనాన్షియల్ సర్వీసులు రెండింటినీ డోర్ స్టెప్ బ్యాంకింగ్ ద్వారా పొందొచ్చు. చెక్ తీసుకెళ్లడం, డిమాండ్ డ్రాఫ్ట్ తీసుకెళ్లడం, అకౌంట్ స్టేట్‌మెంట్, కొత్త చెక్ బుక్ పొందటం, టర్మ్ డిపాజిట్ రశీదు పొందటం, ఫామ్ 16 అందజేత, క్యాష్ డిపాజిట్ చేయడం, అలాగే క్యాష్ విత్‌డ్రా చేసుకోవడం వంటి సేవలు అన్నీ ఇంటి వద్దనే అందుబాటులో ఉంటాయి.

ఎస్‌బీఐ ఈ సర్వీసులకు రూ.100 వరకు చార్జీని వసూలు చేస్తోంది. యూనియన్ బ్యాంక్ ఆఫ్ ఇండియా అయితే రూ.200 వరకు తీసుకుంటోంది. ఆంధ్రా బ్యాంక్ రూ.75 వసూలు చేస్తోంది. ఈ డబ్బులు మీరు సర్వీస్ ఏజెంటుకు కట్టక్కర్లేదు. మీ పని పూర్తయిన తర్వాత మీ అకౌంట్ నుంచే నేరుగా డబ్బులు కట్ అవుతాయి. డోర్ స్టెప్ బ్యాంకింగ్ ద్వారా రూ.5,000 నుంచి రూ.25,000 వరకు డబ్బులు విత్‌డ్రా చేసుకోవచ్చు.



Source link

Leave a Reply

Your email address will not be published. Required fields are marked *