SBI కస్టమర్లకు భారీ షాక్.. బ్యాంక్ కీలక నిర్ణయం!



దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) తన కస్టమర్లకు భారీ షాకిచ్చింది. తాజాగా ఫిక్స్‌డ్ డిపాజిట్లపై వడ్డీ రేట్లను తగ్గిస్తూ నిర్ణయం తీసుకుంది. దీంతో బ్యాంక్‌లో డబ్బు డిపాజిట్ చేసే వారిపై ప్రతికూల ప్రభావం పడనుంది. గతంలో కన్నా ఇకపై తక్కువ రాబడి వస్తుంది.

స్టేట్ బ్యాంక్ ఫిక్స్‌డ్ డిపాజిట్లపై వడ్డీ రేట్లను తగ్గించడం ఒక నెలలో ఇది రెండోసారి కావడం గమనార్హం. ఎస్‌బీఐ తాజాగా ఎఫ్‌డీ రేట్లను ఏకంగా 40 బేసిస్ పాయింట్ల మేర తగ్గించేసింది. అన్ని రకాల కాల పరిమితుల్లోని ఎఫ్‌డీలకు ఈ నిర్ణయం వర్తిస్తుంది. దీంతో ఎస్‌బీఐ ఎఫ్‌డీ రేట్లు 4 శాతం నుంచి ప్రారంభమౌతున్నాయి. ఇదివరకు వడ్డీ రేట్లు 4.4 శాతం నుంచి ఆరంభమయ్యేవి.

Also Read:

ఎస్‌బీఐ అలాగే బల్క్ డిపాజిట్లపై (రూ.2 కోట్లు, ఆపైన) వడ్డీ రేట్లను 50 బేసిస్ పాయింట్లు తగ్గించేసింది. తాజా వడ్డీ రేట్ల కోత నిర్ణయం మే 27 నుంచి అంటే ఈరోజు నుంచే అమలులోకి వస్తుంది. వడ్డీ రేట్ల కోత నిర్ణయంతో ఎస్‌బీఐ ఇప్పుడు ఫిక్స్‌డ్ డిపాజిట్లపై గరిష్టంగా 5.4 శాతం వడ్డీని మాత్రమే అందిస్తోంది. ఇది వరకు 5.7 శాతం వడ్డీని అందించేది.

ఇకపోతే స్టేట్ బ్యాంక్ చివరగా మే 12న టర్మ్ డిపాజిట్లపై వడ్డీ రేట్లను 20 బేసిస్ పాయింట్ల మేర తగ్గించేసింది. తాజా రేట్ల కోత నిర్ణయంతో 7 రోజుల నుంచి 45 రోజుల వ్యవధిలోని ఎఫ్‌డీలపై 2.9 శాతం వడ్డీ వస్తుంది. 46 రోజుల నుంచి 179 రోజుల ఎఫ్‌డీలపై 3.9 శాతం, 180 రోజుల నుంచి 210 రోజుల ఎఫ్‌డీలపై 4.4 శాతం, 211 రోజుల నుంచి ఏడాదిలోపు ఎఫ్‌డీలపై 4.4 శాతం, ఏడాది నుంచి మూడేళ్లలోపు ఎఫ్‌డీలపై 5.1 శాతం, 3 ఏళ్ల నుంచి 5 ఏళ్లలోపు ఎఫ్‌డీలపై 5.3 శాతం, 5 ఏళ్లు నుంచి పదేళ్లలోపు ఎఫ్‌డీలపై 5.4 శాతం వడ్డీ వస్తుంది. ఇక సీనియర్ సిటిజన్స్‌కు 50 బేసిస్ పాయింట్ల అదనపు వడ్డీ లభిస్తుంది.



Source link

Leave a Reply

Your email address will not be published. Required fields are marked *