SBI సహా ఈ 5 బ్యాంకుల్లో డబ్బులు పెడితే.. ప్రతి నెలా చేతికి ఆదాయం!



బ్యాంకులు ఫిక్స్‌డ్ డిపాజిట్ సేవలు అందిస్తూ ఉంటాయి. అయితే అందరూ ఎఫ్‌డీ చేస్తే.. ఆ డబ్బులు కొంత కాలం వరకు వెనక్కి తీసుకోవడం కుదరదని భావిస్తూ ఉంటారు. ఒకవేళ ముందుగానే తీసుకుంటే వడ్డీ తగ్గింపు లేదంటే చార్జీలు భరించాల్సి రావొచ్చని అనుకుంటూ ఉంటారు. అయితే బ్యాంక్‌లో ఎఫ్‌డీ చేయడం వల్ల ప్రతి నెలా ఆదాయం కూడా పొందొచ్చు. పలు బ్యాంకులు ఈ సదుపాయాన్ని కల్పిస్తున్నాయి. వీటిని మంత్లీ ఇన్‌కమ్ ఫిక్స్‌డ్ డిపాజిట్లుగా భావిస్తారు.

మంత్లీ ఇన్‌కమ్ ఎఫ్‌డీల విషయాన్ని వస్తే.. వీటిల్లో మీరు ఇన్వెస్ట్ చేసిన డబ్బుపై వడ్డీ మొత్తాన్ని నెల నెలా తీసుకోవచ్చు. లేదంటే మూడు నెలలకు ఒకసారి పొందొచ్చు. లేదంటే ఏడాదికి కూడా తీసుకోవచ్చు. కొన్ని బ్యాంకులు వీటిపై రెగ్యులర్ ఎఫ్‌డీ రేట్లనే అందిస్తున్నాయి. మరికొన్ని బ్యాంకులు ప్రత్యేక వడ్డీ రేట్లను ఆఫర్ చేస్తున్నాయి. వడ్డీ మొత్తం ప్రతి నెలా మీ సేవింగ్స్ బ్యాంక్ అకౌంట్‌లో జమవుతుంది.

Also Read:

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) సహా పలు బ్యాంకులు ఈ సదుపాయాన్ని కల్పిస్తున్నాయి. ఎస్‌బీఐ మాత్రమే కాకుండా ప్రైవేట్ రంగానికి చెందిన ఐసీఐసీఐ బ్యాంక్, కోటక్ మహీంద్రా బ్యాంక్ వంటివి కూడా ఈ తరహా సర్వీసులు అందిస్తున్నాయి. అలాగే బ్యాంక్ ఆఫ్ బరోడా, యస్ బ్యాంక్, ఐడీఎఫ్‌సీ బ్యాంకుల్లో కూడా ఈ సేవలు పొందొచ్చు. అయితే బ్యాంక్ ప్రాతిపదికన వడ్డీ రేట్లు మారుతూ ఉంటాయి.

Also Read:

ఇకపోతే స్టేట్ బ్యాంక్ ఇటీవలనే ఎఫ్‌డీలపై వడ్డీ రేట్లను తగ్గించింది. 20 బేసిస్ పాయింట్లు కోత విధించింది. ఎస్‌బీఐ దారిలోనే ఐసీఐసీఐ బ్యాంక్ కూడా నడిచింది. లాక్ డౌన్ వల్ల బ్యాంకుల వద్ద చాలా లిక్విడిటీ ఉంది. అందువల్ల ఇప్పుడు వడ్డీ రేట్లను తగ్గిస్తూ వస్తున్నాయి.

కాగా మూడేళ్ల వరకు కాల పరిమితిలోని ఎఫ్‌డీలకు మాత్రమే తగ్గింపు వర్తిస్తుందని ఎస్‌బీఐ తెలిపింది. ప్రస్తుతం 7 రోజుల నుంచి 45 రోజుల వ్యవధిలోని ఎఫ్‌డీలపై 3.5 శాతం వడ్డీ వస్తుంది. 46 రోజుల నుంచి 179 రోజుల ఎఫ్‌లకు 4.5 శాతం వడ్డీ వర్తిస్తుంది. 180 రోజుల నుంచి ఏడాదిలోపు ఎఫ్‌డీలపై 5 శాతం వడ్డీ పొందొచ్చు. ఏడాది నుంచి 10 ఏళ్లలోపు ఎఫ్‌డీలపై 5.7 శాతం వడ్డీ లభిస్తుంది.



Source link

Leave a Reply

Your email address will not be published. Required fields are marked *