SBI loan: ఈ నెలలో SBI తీసుకున్న 6 కీలక నిర్ణయాలు ఇవే! – coronavirus pandemic: here is list of 6 key decisions taken by state bank of india in april 2020


దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) తన కస్టమర్లకు ఎన్నో రకాల సర్వీసులు అందిస్తోంది. బ్యాంక్ అకౌంట్ దగ్గరి నుంచి రుణాల వరకు ఎన్నో సేవలు ఆఫర్ చేస్తోంది. అయితే స్టేట్ బ్యాంక్ ఈ నెలలో (ఏప్రిల్) పలు కీలక నిర్ణయాలు తీసుకుంది. దీని వల్ల బ్యాంక్‌లో అకౌంట్ కలిగిన వారి దగ్గరి నుంచి రుణాలు పొందిన వారి వరకు ఎఫెక్ట్ పడింది. ఆ కీలక నిర్ణయాలు ఏంటివో మరోసారి తెలుసుకుంద్దాం.

1. ఎస్‌బీఐ ఏటీఎం సర్వీస్ చార్జీలను తొలగించింది. ఉచిత ఏటీఎం లావాదేవీల పరిమితి దాటిన తర్వాత నిర్వహించే ఏటీఎం ట్రాన్సాక్షన్లపై ఎలాంటి చార్జీలు పడవని స్టేట్ బ్యాంక్ పేర్కొంది. ఏటీఎం సర్వీస్ చార్జీల ఎత్తివేత నిర్ణయం జూన్ 30 వరకు అమలులో ఉంటుందని బ్యాంక్ తెలిపింది.

2. ఎస్‌బీఐ ఇటీవల సేవింగ్స్ అకౌంట్లపై వడ్డీ రేట్లను 0.25 శాతం తగ్గించింది. దీంతో ఇప్పుడు బ్యాంక్‌లోని సేవింగ్స్ ఖాతాల్లో ఉన్న అన్ని డిపాజిట్లకు కేవలం 2.75 శాతం వడ్డీ మాత్రమే లభిస్తుంది. కొత్త వడ్డీ రేట్లు ఏప్రిల్ 15 నుంచి అమలులోకి వచ్చాయి. వ్యవస్థలో సరిపడినంత లిక్విడిటీ ఉందని, అందుకే వడ్డీ రేట్లను సవరిస్తున్నామని స్టేట్ బ్యాంక్ తెలిపింది. దీంతో బ్యాంక్ అకౌంట్ ఉన్న వారిపై ప్రభావం పడుతుంది.

Also Read: భారీగా తగ్గిన బంగారం ధర.. హైదరాబాద్‌లో రేట్లు ఇలా!

3. ఎస్‌బీఐ ఎంసీఎల్ఆర్ రేటులో కోత కూడా విధించింది. 35 బేసిస్ పాయింట్లు తగ్గించింది. ఏప్రిల్ 10 నుంచే ఈ నిర్ణయం అమలులోకి వచ్చింది. 2019-20 ఆర్థిక సంవత్సరంలో బ్యాంక్ ఎంసీఎల్ఆర్‌ను తగ్గించడం ఇది వరుసగా 11వ సారి కావడం గమనార్హం. స్టేట్ బ్యాంక్ ఎంసీఎల్ఆర్ తగ్గింపు వల్ల బ్యాంక్ నుంచి ఎంసీఎల్ఆర్ లింక్డ్ ఫ్లోటింగ్ రేటుతో రుణాలు తీసుకున్న వారికి ప్రయోజనం కలుగుతుంది. అంటే హోమ్ లోన్ వంటివి తీసుకున్న వారికి బెనిఫిట్ ఉంటుంది.

4. స్టేట్ బ్యాంక్ తన డెబిట్ కార్డు యూజర్లకు ముఖ్యమైన సందేశం పంపింది. డెబిట్ కార్డు డెలివరీ ఆలస్యం కావొచ్చని తెలిపింది. కరోనా వైరస్ వల్ల నెలకొన్న ప్రతికూల పరిస్థితులు ఇందుకు కారణం. లాక్ డౌన్ వల్ల రవాణా ఎక్కడికక్కడ స్తంభించిపోయిన విషయం తెలిసిందే.

5. ఎస్‌బీఐ కూడా తన కస్టమర్లకు టర్మ్ లోన్స్‌పై 3 నెలల మారటోరియం ఫెసిలిటీ అందిస్తోంది. కేవలం లోన్స్‌కు మాత్రమే కాకుండా క్రెడిట్ కార్డు బకాయిలకు కూడా ఇది వర్తిస్తుంది. అంటే ఎస్‌బీఐ క్రెడిట్ కార్డు బిల్లు కూడా 3 నెలలు చెల్లించాల్సిన అవసరం లేదు.

6. స్టేట్ బ్యాంక్ అర్హత కలిగిన కస్టమర్లను ప్రి-అప్రూవ్డ్ రుణాలు అందిస్తోంది. ఎంపిక చేసిన కస్టమర్లకు మాత్రమే ఈ లోన్స్ అందుబాటులో ఉన్నాయి.



Source link

Leave a Reply

Your email address will not be published. Required fields are marked *