SBI: Moratorium: మారటోరియంపై ఎస్బీఐ కీలక నిర్ణయం – sbi on extend loan moratorium scheme by three more months


కరోనా వైరస్ కారణంగా ప్రస్తుతం లాక్ డౌన్ 4.0 కొనసాగుతోంది. కొన్ని విషయాల్లో మినహాయింపులు ఇచ్చిన విషయం తెలిసిందే. ప్రస్తుతం లాక్‌డౌన్‌ 4.0 మే 31 వరకూ పొడిగించడంతో.. అదే విధంగా మారటోరియాన్ని కూడా ఆర్‌బీఐ మూడు నెలలు పొడిగిస్తుందని వార్తలు వస్తున్నాయి. ప్రభుత్వరంగ బ్యాంకింగ్ దిగ్గజం స్టేట్‌బ్యాంక్ ఆఫ్ ఇండియా (ఎస్బీఐ) ఇదే విషయమై స్పందించింది. బ్యాంకు రుణాలపై మరో మూడు నెలల పాటు మారటోరియం విధించే ప్రతిపాదనను ఆర్‌బీఐ ఇప్పటికే పరిశీలిస్తోందని వార్తలు రావడంతో.. తాజాగా ఎస్‌బీఐ కూడా కీలక ప్రకటన చేసింది. లాక్‌డౌన్‌ కారణంగా వ్యక్తుల, సంస్థల ఆదాయాలు అంతంతమాత్రంగా ఉన్నయని తెలిపింది. లాక్‌డౌన్‌ ముగిసిన వెంటనే వారు రుణ చెల్లింపులు జరిపే పరిస్థితి లేదని పేర్కొంది.

ఇప్పటికే అన్నిరకాల రుణాలపై కేంద్రం మూడు నెలలపాటు మారటోరియంకు అవకాశం కల్పించిన విషయం తెలిసిందే. తాజాగా లాక్ డౌన్ కారణంగా మరో మూడు నెలలపాటు మారటోరియం విధిస్తే మంచిదనే అభిప్రాయాన్ని వ్యక్తం చేసింది స్టేట్ బ్యాంక్ ఆఫ్ ఇండియా. హౌసింగ్ ఫైనాన్స్ కంపెనీలు సహా అన్ని రుణ సంస్థలను తమ రుణగ్రహీతలకు టర్మ్ లోన్‌లపై మూడు నెలల తాత్కాలిక మారటోరియాన్ని ఇవ్వాల్సి ఉంటుందని ఆర్బీఐని కోరింది. కాగా, ఆర్బీఐ ప్రకారం.. తాత్కాలిక నిషేధం కింద వాయిదాపడిన వాయిదాలలో మార్చి 1, 2020 నుండి మే 31, 2020 వరకు ఉంది..

మారటోరియం ప్రకారం వడ్డీ చెల్లింపులు, నెలవారీ వాయిదాలు, క్రెడిట్ కార్డు బిల్లుల చెల్లింపులు చెల్లించకుండా వెసులుబాటు కల్పించారు. అయితే.. ఇప్పుడు లాక్‌డౌన్‌ నుంచి కొన్ని మినహాయింపులు ఇచ్చినా వెంటనే చెల్లించే శక్తి ఉండదనే అభిప్రాయాన్ని ఎస్బీఐ వ్యక్తం చేసింది. అయితే మూడు నెలల మారటోరియాన్ని ఎంచుకోవాలనుకుంటే మాత్రం.. దానిపై బ్యాంకులకు సమాచారం ఇవ్వాలని.. లేనిపక్షంలో మీ ఖాతాలో డబ్బు ఉంటే డెబిట్ అవుతూనే ఉంటుందని చెబుతున్నారు ఎస్బీఐ అధికారులు.



Source link

Leave a Reply

Your email address will not be published. Required fields are marked *