sbi moratorium: SBI నుంచి లోన్ తీసుకున్నారా? ఆ తప్పు చేస్తే రూ.లక్షల్లో నష్టం.. జాగ్రత్త! – state bank of india emi moratorium calculation: additional rs 4.5 lakh interest on 15-year home loan of rs 30 lakh


ప్రధానాంశాలు:

  • ఎస్‌బీఐ నుంచి లోన్ మారటోరియం
  • ఆరు నెలలు ఈఎంఐ కట్టక్కర్లేదు
  • ఎంపిక చేసిన కస్టమర్లకు వర్తింపు

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) గురించి ప్రత్యేకంగా చెప్పాల్సిన అవసరం లేదు. ఎస్‌బీఐ తన కస్టమర్లకు ఎన్నో రకాల సేవలు అందిస్తోంది. ఇందులో రుణాలు కూడా ఉన్నాయి. బ్యాంక్ నుంచి అర్హత కలిగిన కస్టమర్లు పలు రకాల లోన్స్ పొందొచ్చు. పర్సనల్ లోన్ నుంచి హోమ్ లోన్ వరకు చాలా రుణాలు అందుబాటులో ఉన్నాయి.

బ్యాంక్ ఇటీవల రుణం తీసుకున్న వారికి ఈఎంఐ మారటోరియం ఫెసిలిటీని అందిస్తున్నట్లు ప్రకటించింది. అంటే అర్హత కలిగిన కస్టమర్లు ఆరు నెలలు ఈఎంఐ కట్టక్కర్లేదు. మార్చి నుంచి ఆగస్ట్ వరకు ఇది వర్తిస్తుంది. అయితే లోన్ తీసుకున్న వారు ఈఎంఐ మారటోరియం ఆప్షన్ ఎంచుకునే ముందు కొన్ని విషయాలు గుర్తు పెట్టుకోవాలి.

Also Read: అదిరిపోయే ఆఫర్.. లోన్ తీసుకుంటే రూ.లక్షకు రూ.899 ఈఎంఐ.. వారికి మాత్రమే!

ఇప్పటికే బ్యాంక్ కస్టమర్లకు ఈఎంఐ మారటోరియం గురించి ఎస్ఎంఎస్ పంపింది. ఈఎంఐ కట్టకూడదు అనుకునే వారు వచ్చిన ఎస్ఎంఎస్‌కు యస్ అని టైప్ చేసి రిప్లే ఇవ్వాలి. అప్పుడు మీకు ఈఎంఐ మారటోరియం ఫెసిలిటీ వర్తిస్తుంది. బ్యాంక్ దాదాపు 85 లక్షల మందికి ఇటీవలనే ఎస్ఎంఎస్‌లు పంపింది.

Also Read: ఒకటో తేదీ ఝలక్.. పెరిగిన గ్యాస్ సిలిండర్ ధర.. ఈరోజు నుంచే కొత్త రేట్లు అమలులోకి!

బ్యాంక్ తన వెబ్‌సైట్‌లో ఈఎంఐ మారటోరియం ఆప్షన్ ఎంచుకోవడం వల్ల కస్టమర్లపై ఎలాంటి ప్రభావం పడుతుందో కూడా తెలియజేసింది. హోమ్ లోన్, వెహికల్ లోన్ తీసుకున్న వారు మూడు నెలలు కాకుండా మరో మూడు నెలలు ఈఎంఐ మారటోరియం సదుపాయం పొందితే ఎలాంటి ఎఫెక్ట్ పడుతుందో చూద్దాం. 15 ఏళ్ల కాలపరిమితి ఉన్న రూ.30 లక్షల లోన్‌ తీసుకున్న వారిపై అదనంగా రూ.4.54 లక్షల వడ్డీ భారం పడుతుంది. ఇది 16 ఈఎంఐలకు సమానం. 54 నెలల కాల పరిమితిలోని రూ.6 లక్షల వెహికల్ లోన్ కలిగిన వారిపై రూ.36,000 భారం పడుతుంది. ఇది 3 ఈఎంఐలకు సమానం.

అదే రెండోసారి కాకుండా తొలి మూడు నెలలపాటు ఈఎంఐ మారటోరియం ఆప్షన్ ఎంచుకున్న వారి విషయానికి వస్తే.. 15 ఏళ్ల కాల పరిమితిలోని రూ.30 లక్షల హోమ్ లోన్‌ తీసుకున్న వారికిపై రూ.2.34 లక్షల వడ్డీ భారం పడుతుంది. ఇది దాదాపు 8 ఈఎంఐలకు సమానం. 54 నెలల కాల పరిమితితో రూ.6 లక్షల వెహికల్ లోన్ తీసుకొని ఉంటే రూ.19,000 అదనంగా కట్టాలి. అందువల్ల ఎవరైనా ఈఎంఐ కట్టగలిగితే మారటోరియం ఫెసిలిటీ ఎంపిక చేసుకోకపోవడమే ఉత్తమం.



Source link

Leave a Reply

Your email address will not be published. Required fields are marked *