sbi moratorium: SBI బంపరాఫర్.. లోన్ తీసుకున్న వారికి అదిరిపోయే శుభవార్త! – state bank of india extends term loan emi moratorium, simplifies process to opt for it


ప్రధానాంశాలు:

  • ఎస్‌బీఐ నుంచి రుణం పొందారా?
  • అయితే మీకు గుడ్ న్యూస్..
  • లోన్ మారటోరియం పొడిగింపు

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) తాజాగా తన కస్టమర్లకు అదిరిపోయే తీపికబురు అందించింది. లోన్ తీసుకున్న వారికి ఊరట కలిగించే నిర్ణయం తీసుకుంది. రిజర్వు బ్యాంక్ ఆఫ్ ఇండియా (RBI) ఆదేశాల ప్రకారం బ్యాంక్ నుంచి లోన్ తీసుకున్న వారికి మరో మూడు నెలలు ఈఎంఐ మారటోరియం ఫెసిలిటీ అందిస్తున్నట్లు ప్రకటించింది.

కాగా ఎస్‌బీఐ ఇప్పటికే మూడు నెలల ఈఎంఐ మారటోరియం ఆప్షన్ అందిస్తోంది. తాజా మూడు నెలలను కలుపుకుంటే స్టేట్ బ్యాంక్ నుంచ లోన్ తీసుకున్న వారు ఆరు నెలలు ఈఎంఐ చెల్లించక్కర్లేదు. బ్యాంక్ ఇప్పటికే అర్హత కలిగిన కస్టమర్లకు ఈ విషయాన్ని ఎస్ఎంఎస్ ద్వారా తెలియజేసింది. దీంతో 85 లక్షల మందికి ప్రయోజనం కలుగనుంది.

Also Read: గుడ్ న్యూస్.. భారీగా దిగొచ్చిన బంగారం ధర.. వెండి పతనం!

ఎస్‌బీఐ నుంచి లోన్ తీసుకున్న వారికి ఈఎంఐ మారటోరియంకు సంబంధించి ఎస్ఎంఎస్ వచ్చి ఉంటుంది. ఇలా ఎస్ఎంఎస్ పొందిన వారు యస్ అని టైప్ చేసి రిప్లే ఇవ్వాలి. అది కూడా మీకు ఎస్ఎంఎస్ వచ్చిన ఐదు రోజుల్లోగా ఈ పని చేయాలి. అప్పుడు ఆటోమేటిక్‌గానే ఈఎంఐ మారటోరియం సదుపాయం పొందొచ్చు.

రిజర్వు బ్యాంక్ మే 22న లోన్ మారటోరియం ఫెసిలిటీని మరో 3 నెలలు పొడిగిస్తున్నట్లు ప్రకటించింది. దీంతో లోన్ తీసుకున్న వారు ఆగస్ట్ 31 వరకు లోన్ ఈఎంఐ కట్టక్కర్లేదు. కరోనా వైరస్ నేపథ్యంలో ప్రజల ఆదాయం తగ్గిపోయింది. తీవ్ర ఆర్థిక ఇబ్బందులు ఎదుర్కొంటున్నారు. ఇలాంటి పరిస్థితుల్లో ఈఎంఐ మారటోరియం మంచి ఆప్షన్ అని చెప్పుకోవచ్చు. కానీ మారటోరియంపై వడ్డీ వసూలు చేస్తుండటంపై కస్టమర్లు పెదవి విరుస్తున్నారు.



Source link

Leave a Reply

Your email address will not be published. Required fields are marked *