sbi timings: బ్యాంక్ పనివేళల్లో మార్పు.. ఈ టైమ్‌కు తెరుచుకోనున్న ఎస్‌బీఐ బ్రాంచులు! – state bank of india branch opening time during lockdown: sbi cut branch timings


ప్రధానాంశాలు:

  • స్టేట్ బ్యాంక్ కస్టమర్లకు అలర్ట్
  • ఎస్‌బీఐ టైమింగ్స్ మార్పు
  • కొత్త టైమ్‌కు తెరుచుకొనున్న బ్రాంచులు

మీకు బ్యాంక్‌లో పని ఉందా? మీరు దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) కస్టమరా? అయితే మీకు ఒక విషయం తెలుసుకోవాలి. స్టేట్ బ్యాంక్ వర్కింగ్ అవర్స్ మారాయి. బ్యాంక్ బ్రాంచులు గతంలో మాదిరి కాకుండా ఇప్పుడు కొత్త టైమ్‌కు తెరుచుకుంటున్నాయి. కరోనా వైరస్ లాక్ డౌన్ పరిస్థితులు ఇందుకు కారణం.

దేశవ్యాప్తంగా ఎస్‌బీఐ బ్రాంచులు ఇక నుంచి ఉదయం 11.30ను తెరుచుకుంటాయి. ఎస్‌బీఐ తన వెబ్‌సైట్‌లో ఈ వివరాలను అందుబాటులో ఉంచింది. మీ ఊరిలోని ఎస్‌బీఐ బ్యాంక్ బ్రాంచ్‌ కూడా ఏ టైమ్‌కు తెరుచుకుంటుంతో తెలుసుకోవచ్చు. అందువల్ల కస్టమర్లు ఈ విషయాన్ని ముందుగానే తెలుసుకుంటే మంచిది. ఆ టైమ్‌కు వెళ్లి బ్యాంకులో పని పూర్తి చేసుకొని రావొచ్చు.

Also Read: శుభవార్త.. పడిపోయిన బంగారం ధర.. వెండి జిగేల్!

ఇకపోతే ఇటీవలనే రాష్ట్రం ప్రాతిపదికన బ్యాంక్ పనివేళ్లలో మార్పు ఉంటుందని ఎస్‌బీఐ మేనేజింగ్ డైరెక్టర్ (రిటైల్ బ్యాంకింగ్) పీకే గుప్తా తెలిపారు. చాలా రాష్ట్రాల్లో బ్యాంకు బ్రాంచుల ఓపెనింగ్, క్లోజింగ్‌పై పలు నియంత్రణలు పెట్టామని తెలిపారు. కొన్ని రాష్ట్రాల్లో ఉదయం 7 నుంచి 10 గంటల వరకు, మరికొన్ని రాష్ట్రాల్లో ఉదయం 8 నుంచి 11 గంటల వరకు, ఇంకొన్ని రాష్ట్రాల్లో ఉదయం 10 నుంచి మధ్యాహ్నం 2 గంటల వరకు బ్యాంక్ బ్రాంచులు పని చేస్తు్న్నాయని వివరించారు.

Also Read: అదిరిపోయే బిజినెస్ ఐడియా.. నెలకు రూ.లక్షకు పైన సంపాదించొచ్చు!

అలాగే స్టేట్ బ్యాంక్ తన కస్టమర్లకు సూచనలు కూడా చేస్తోంది. కరోనా వైరస్ నేపథ్యంలో బ్యాంక్ బ్రాంచులకు రావడం తగ్గించాలని, అవసరం అనుకుంటేనే బ్యాంక్‌కు రావాలని కోరుతోంది. కోవిడ్ 19 వల్ల ఇంటి నుంచే బ్యాంక్ సేవలు పొందొచ్చని బ్యాంక్ తెలిపింది. దీని కోసం బ్యాంక్ డిజిటల్ ఛానల్స్‌ను ఉపయోగించుకోవాలని సూచిస్తోంది.

ఇంకా ఎస్‌బీఐ తన కస్టమర్లను ఆన్‌లైన్ మోసాల బారిన పడకుండా ఉండాలని హెచ్చరిస్తోంది. మోసగాళ్లు వివిధ మార్గాల్లో బ్యాంక్ ఖాతాదారులను బురిడీ కొట్టిస్తున్నారని, అప్రమత్తంగా ఉండాలని కోరుతోంది. డెబిట్ కార్డు క్లోనింగ్, ఏటీఎం ఫ్రాడ్స్ వంటి వాటితో జాగ్రత్తగా ఉండాలని తెలిపింది. ఎవరైనా కాల్ చేసి బ్యాంక్ ఖాతా వివరాలు కోరితే చెప్పవద్దని సూచించింది. అలాగే ఎస్ఎంఎస్‌లలో వచ్చే లింక్‌లపై క్లిక్ చేయొద్దని హెచ్చరించింది.



Source link

Leave a Reply

Your email address will not be published. Required fields are marked *