sec kanagaraj: నిమ్మగడ్డ రమేష్ వివాదంలో ట్విస్ట్.. రంగంలోకి ఎస్ఈసీ కనగరాజ్, హైకోర్టులో కౌంటర్ – sec justice kanagaraj counter petition in ap high court over ex sec nimmagadda ramesh kumar issue


రాష్ట్ర ఎన్నికల కమిషనర్ (ఎస్ఈసీ) పదవి కుదింపు, నిమ్మగడ్డ రమేష్ కుమార్ పదవి కోల్పోయిన అంశంపై ఏపీలో కొనసాగుతున్న వివాదంలో సోమవారం కొత్త ట్విస్ట్ చోటు చేసుకుంది. ఆర్డినెన్స్ ద్వారా పదవి కోల్పోయిన మాజీ ఎస్ఈసీ ఏ హోదాలో హైకోర్టులో పిటిషన్ దాఖలు చేస్తారంటూ నూతన ఎన్నికల కమిషనర్, రిటైర్డ్ జడ్జి జస్టిస్ కనగరాజు హైకోర్టులో మంగళవారం పిటిషన్ దాఖలు చేశారు. కౌంటర్ పిటిషన్ దాఖలు చేయడంలో జరిగిన జాప్యానికి క్షమాపణ చెబుతూనే జస్టిస్ కనగరాజ్ నిమ్మగడ్డ రమేష్ కుమార్‌కు పలు ప్రశ్నలు సంధించారు.

రమేష్ కుమార్ దాఖలు చేసిన పిటిషన్‌తో పాటు.. దానికి అనుబంధంగా దాఖలైన 12 పిటిషన్లకు సైతం జస్టిస్ కనగరాజ్ కౌంటర్ దాఖలు చేశారు. ఓటరు, అభ్యర్థి కాకుండా ఎస్ఈసీ అర్హతలపై ఎలా రిట్ దాఖలు చేస్తారని ప్రశ్నించారు. నిమ్మగడ్డ రమేష్ మినహా ఈ వ్యవహారంలో పిటిషన్లు దాఖలు చేసే అర్హత ఎవరికీ లేదని జస్టిస్ కనగరాజ్ కుండబద్దలు కొట్టారు. గవర్నర్ ఆమోదించిన ఆర్డినెన్స్‌ను పిటిషనర్లు ప్రశ్నించ లేరని స్పష్టం చేశారు.

ఆర్డినెన్స్ ద్వారా పదవి కోల్పోయిన నిమ్మగడ్డ రమేష్ కుమార్ తిరిగి ఎస్ఈసీ హోదాల ఎలా పిటిషన్ దాఖలు చేస్తారని జస్టిస్ కనగరాజ్ ప్రశ్నించారు. ఎన్నికల కమిషనర్ నియామకం, సర్వీస్ రూల్స్ అన్ని గవర్నర్ అధికార పరిధిలోనివేనని, నిమ్మగడ్డ రమేష్ కుమార్ కూడా ప్రభుత్వ సేవకుడిగానే ఎన్నికల కమిషనర్ పదవిలో నియమితులయ్యారని ప్రస్తావించారు.

తను తొలగించేందుకు ఆర్డినెన్స్ తీసుకొచ్చారన్న నిమ్మగడ్డ రమేష్ కుమార్ వాదన న్యాయపరంగా చెల్లదని ఆయన జస్టిస్ కనగరాజ్ వ్యాఖ్యానించారు. చట్టంలో మార్పుల కారణంగా నిమ్మగడ్డ పదవిని కోల్పోయారని, ఆయన్ను ప్రభుత్వం తొలగించ లేదని స్పష్టం చేశారు. ఎన్నికల కమిషనర్ నియామకానికి గవర్నర్‌కు సర్వాధికారాలు ఉన్నాయని తెలిపారు.



Source link

Leave a Reply

Your email address will not be published. Required fields are marked *