Seetharamula Kalyanam : భద్రాద్రి సీతారాముల కల్యాణం నేడే.. ఈసారి నిరాడంబరంగా.. – bhadradri seetharamula kalyanam on apr 2 conducts on temple premises only


భద్రాచలం దివ్యక్షేత్రంలో శ్రీ సీతారాముల కల్యాణోత్సవాన్ని గురువారం నిరాడంబ‌రంగా నిర్వహించనున్నారు. ఇందుకోసం ఆల‌య అధికారులు అన్ని ఏర్పాట్లు పూర్తి చేశారు. ఆలయ ప్రాంగణంలోని బేడా మండపంలో ఈ వేడుకలు జరగనున్నాయి. శ్రీ సీతారామచంద్రులకు ప్రభుత్వం త‌ర‌పున దేవాదాయ శాఖ మంత్రి అల్లోల ఇంద్రక‌ర‌ణ్ రెడ్డి, రవాణా శాఖ మంత్రి పువ్వాడ అజయ్ కుమార్ ముత్యాల తలంబ్రాలు, ప‌ట్టు వ‌స్త్రాలను స‌మ‌ర్పిస్తారు. ఇప్పటికే మంత్రి అల్లోల ఇంద్రకరణ్ రెడ్డి భద్రాచలానికి చేరుకున్నారు. దేవాదాయ శాఖ క‌మిష‌న‌ర్ అనిల్ కుమార్, కలెక్టర్ ఎంవీ రెడ్డి, ఆల‌య ఈవో న‌ర్సింహులు మంత్రికి పుష్ప గుచ్ఛం ఇచ్చి స్వాగ‌తం ప‌లికారు. అనంత‌రం కల్యాణోత్సవ ఏర్పాట్లపై మంత్రి అల్లోల‌, ప్రభుత్వ స‌ల‌హాదారు ర‌మ‌ణాచారి అధికారుల‌తో చ‌ర్చించారు.


Must Read:
లాక్ డౌన్‌పై తెలంగాణ పోలీసుల పోల్.. షాకింగ్ వాస్తవాలు

ఏటా సీతారామ కల్యాణం కన్నులపండువగా జరిగే సంగతి తెలిసిందే. తెలంగాణలో కరోనా వైరస్ ప్రభావం భద్రాచలం రాములోరిపైనా పడింది. ముందస్తు చర్యలు తీసుకున్న ఆలయ అధికారులు శ్రీరామనవమికి భక్తులను అనుమతించకూడదని నిర్ణయించారు. ఈ క్రమంలో ఈసారి భక్తులు లేకుండానే శ్రీరామనవమి వేడుకలు జరగనున్నట్లు మంత్రి పువ్వాడ గత నెలలోనే వెల్లడించారు. కరోనా నేపథ్యంలో ఈసారి నిరాడంబరంగా నిర్వహించనున్నారు.

Must Read:
కేసీఆర్ సమీక్షకు డిప్యూటీ సీఎంకు నో ఎంట్రీ.. కారణాలేంటంటే..!

ఎంతో ఆడంబరంగా ఆరుబయట నిర్వహించే రాములవారి కల్యాణాన్ని భక్తులంతా ఎక్కువ సంఖ్యలో తిలకించేందుకు వీలుగా నిర్వహిస్తుంటారు. కరోనా వైరస్ ప్రభావం వల్ల ఈ సారి అందరికీ ఈ కల్యాణాన్ని తిలకించే యోగ్యం దక్కడం లేదు. కరోనా వైరస్ రాష్ట్రంలో రోజు రోజుకూ వ్యాప్తి చెందుతుండడం వల్ల ఈసారి స్వామివారి కల్యాణానికి భక్తులెవరూ రావొద్దని, అందరూ ఇందుకు సహకరించాలని మంత్రి పువ్వాడ అజయ్ కుమార్ కోరారు.





Source link

Leave a Reply

Your email address will not be published. Required fields are marked *