sensex today: ఆర్‌బీఐ బూస్ట్.. చెలరేగిన సూచీలు! – stock market closing updates april 27th; sensex, nifty end 1% higher after rbi announces rs 50,000-crore boost for mutual funds


ప్రధానాంశాలు:

  • స్టాక్ మార్కెట్ ర్యాలీ
  • సెన్సెక్స్ 400 పాయింట్లు పైకి
  • 9250 పైకి నిఫ్టీ

దేశీ స్టాక్ మార్కెట్ పరుగులు పెట్టింది. బెంచ్‌మార్క్ సూచీలు సోమవారం దమ్మురేపాయి. మ్యూచువల్ ఫండ్స్‌పై ఒత్తిడి తగ్గించేందుకు రిజర్వు బ్యాంక్ ఆఫ్ ఇండియా (ఆర్‌బీఐ) రూ.50 వేల కోట్ల ప్రత్యేకమైన లిక్విడిటీ ఫెసిలిటీని ఏర్పాటు చేయడంతో ఫైనాన్షియల్ షేర్లు భారీగా లాభపడ్డాయి. దీంతో మార్కెట్‌పై సానుకూల ప్రభావం పడింది.

ఇంట్రాడేలో బీఎస్‌ఈ సెన్సెక్స్ 776 పాయింట్ల లాభంతో 32,103 పాయింట్ల గరిష్టాన్ని తాకింది. ఎన్‌ఎస్‌ఈ నిఫ్టీ కూడా 9377 పాయింట్లకు ఎగసింది. చివరకు మార్కెట్ లాభాలు కొంత తగ్గాయి. సెన్సెక్స్ 416 పాయింట్ల లాభంతో 31,743 పాయింట్ల వద్ద, నిఫ్టీ 128 పాయింట్ల లాభంతో 9282 పాయింట్ల వద్ద క్లోజయ్యాయి.

Also Read: భారీగా పీఎఫ్ విత్‌డ్రా.. ఎంత మంది డబ్బులు వెనక్కి తీసుకున్నారంటే?

Stock Market Highlights..

✺ నిఫ్టీ 50లో బ్రిటానియా, ఇండస్ఇండ్ బ్యాంక్, బజాజ్ ఫైనాన్స్, కోటక్ మహీంద్రా బ్యాంక్, యాక్సిస్ బ్యాంక్ షేర్లు లాభపడ్డాయి. బ్రిటానియా షేరు 7 శాతానికి పైగా పెరిగింది.

✺ అదేసమయంలో ఎన్‌టీపీసీ, హెచ్‌డీఎఫ్‌సీ బ్యాంక్, ఎంఅండ్ఎం, డాక్టర్ రెడ్డీస్ ల్యాబొరేటరీస్, భారతీ ఎయిర్‌టెల్ షేర్లు నష్టపోయాయి. ఎన్‌టీపీసీ షేరు 1 శాతానికి పైగా పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ లాభాల్లోనే క్లోజయ్యాయి. నిఫ్టీ బ్యాంక్, నిఫ్టీ ఫైనాన్షియల్ సర్వీసెస్, నిఫ్టీ ఐటీ, నిఫ్టీ ప్రైవేట్ బ్యాంక్ ఇండెక్స్‌లు 2 శాతానికి పైగా లాభపడ్డాయి. నిఫ్టీ ఆటో, నిఫ్టీ ఎఫ్ఎంసీజీ, నిఫ్టీ మెటల్, నిఫ్టీ రియల్టీ ఇండెక్స్‌లు 1 శాతానికి పైగా పెరిగాయి.

✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 21 పైసలు లాభంతో 76.24 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 4.35 శాతం తగ్గుదలతో 23.73 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 16.65 శాతం క్షీణతతో 14.17 డాలర్లకు తగ్గింది.



Source link

Leave a Reply

Your email address will not be published. Required fields are marked *