sensex today: ఐటీ జోరు.. రంకేసిన బుల్..! – stock market closing updates april 23rd; sensex, nifty close over 1% higher; banking, it stocks lead gains


ప్రధానాంశాలు:

  • స్టాక్ మార్కెట్ పరుగు
  • సెన్సెక్స్ 480 పాయింట్లు పైకి
  • 9300 పైకి నిఫ్టీ

దేశీ స్టాక్ మార్కెట్ దుమ్మురేపింది. బెంచ్‌మార్క్ సూచీలు గురువారం పరుగులు పెట్టాయి. ఏకంగా 1 శాతానికి పైగా పెరిగాయి. క్రూడ్ ధరల పెరుగుదల నేపథ్యంలో అంతర్జాతీయ మార్కెట్లలో సానుకూల ట్రెండ్ కారణంగా మన మార్కెట్ కూడా ర్యాలీ చేసింది. బ్యాంకింగ్, ఐటీ స్టాక్స్ భారీగా లాభపడ్డాయి.

ఇంట్రాడేలో బీఎస్‌ఈ సెన్సెక్స్ 470 పాయింట్ల లాభంతో 31,849 పాయింట్ల గరిష్టాన్ని తాకింది. ఎన్‌ఎస్‌ఈ నిఫ్టీ కూడా 9326 పాయింట్లకు చేరింది. చివరకు సెన్సెక్స్ 484 పాయింట్ల లాభంతో 31,863 పాయింట్ల వద్ద, నిఫ్టీ 126 పాయింట్ల లాభంతో 9314 పాయింట్ల వద్ద క్లోజయ్యాయి.

Also Read: షాక్.. భారీగా పెరిగిన బంగారం ధర.. దిగొచ్చిన వెండి!

Stock Market Highlights..

✺ నిఫ్టీ 50లో కోటక్ మహీంద్రా బ్యాంక్, టీసీఎస్, ఇన్ఫోసిస్, ఐసీఐసీఐ బ్యాంక్, హెచ్‌సీఎల్ టెక్ షేర్లు లాభపడ్డాయి. టీసీఎస్ ఏకంగా 5 శాతానికి పైగా పెరిగింది. కోటక్ బ్యాంక్ 8 శాతానికి పైగా ర్యాలీ చేసింది.

✺ అదేసమయంలో టైటాన్, హెచ్‌యూఎల్, పవర్ గ్రిడ్, శ్రీసిమెంట్, ఎన్‌టీపీసీ షేర్లు నష్టపోయాయి. టైటాన్ దాదాపు 4 శాతం పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ ఎఫ్ఎంసీజీ ఇండెక్స్ 1 శాతానికి పైగా, నిఫ్టీ పీఎస్‌యూ బ్యాంక్ ఇండెక్స్ 0.36 శాతం నష్టపోయాయి. ఇక మిగతా ఇండెక్స్‌లన్నీ లాభాల్లోనే ఉన్నాయి. నిఫ్టీ ఐటీ ఇండెక్స్ 4 శాతానికి పైగా ర్యాలీ చేసింది. నిఫ్టీ ప్రైవేట్ బ్యాంక్ 3 శాతానికి పైగా పెరిగింది. నిఫ్టీ బ్యాంక్, నిఫ్టీ ఫైనాన్షియల్ సర్వీసెస్ ఇండెక్స్‌లు 2 శాతానికి పైగా లాభపడ్డాయి.

Also Read: SBI దారిలో మరో బ్యాంక్.. కస్టమర్లకు షాక్..!

✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 59 పైసలు లాభంతో 76.07 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 7.76 శాతం పెరుగుదలతో 21.95 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 12.05 శాతం పెరుగుదలతో 15.44 డాలర్లకు ఎగసింది.



Source link

Leave a Reply

Your email address will not be published. Required fields are marked *