sensex today: ఒక్క రోజే బ్రేక్.. మళ్లీ దూకుడు..! – stock market closing updates june 5th; sensex, nifty close higher after a day’s pause; sbi surges over 8%


ప్రధానాంశాలు:

  • స్టాక్ మార్కెట్ పరుగు
  • సెన్సెక్స్ 300 పాయింట్లు పైకి
  • 10,100 పైన నిఫ్టీ

దేశీ స్టాక్ మార్కెట్ దుమ్మురేపుతోంది. బెంచ్‌మార్క్ సూచీలు ఈరోజు కూడా పరుగులు పెట్టాయి. మార్కెట్ ర్యాలీ చేసింది. మూడు రోజుల వరుస లాభాల అనంతరం నిన్న ఒక్కరోజు నష్టపోయిన సూచీలు శుక్రవారం మళ్లీ పైకి కదిలాయి. కొనుగోళ్ల జోరు కారణంగా మార్కెట్ పరుగులు పెట్టింది.

ఇంట్రాడేలో సెన్సెక్స్ 425 పాయింట్లు వరకు లాభపడింది. నిఫ్టీ కూడా 10,178 పాయింట్ల గరిష్టాన్ని తాకింది. చివరకు బీఎస్‌ఈ సెన్సెక్స్ 307 పాయింట్ల లాభంతో 34,287 పాయింట్ల వద్ద, ఎన్ఎస్ఈ నిఫ్టీ 113 పాయింట్ల లాభంతో 10142 పాయింట్ల వద్ద క్లోజయ్యాయి.

Also Read: SBIలో కన్నా ఈ బ్యాంకుల్లో మీ డబ్బుకు 3 రెట్లు ఎక్కువ లాభం!

Stock Market Highlights..

✺ నిఫ్టీ 50లో టాటా మోటార్స్, ఎస్‌బీఐ, భారతీ ఇన్‌ఫ్రాటెల్, టాటా స్టీల్, హిందాల్కో షేర్లు పెరిగాయి. టాటా మోటార్స్ ఏకంగా 14 శాతం పరుగులు పెట్టింది.

✺ అదేసమయంలో టీసీఎస్, హెచ్‌యూఎల్, బజాజ్ ఆటో, సిప్లా, నెస్లే షేర్లు పడిపోయాయి. టీసీఎస్ దాదాపు 2 శాతం పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగానే క్లోజయ్యాయి. ఒక్క నిఫ్టీ ఎఫ్ఎంసీజీ ఇండెక్స్ మినహా మిగతా సూచీలన్నీ లాభాల్లోనే ఉండిపోయాయి. నిఫ్టీ బ్యాంక్, నిప్టీ మెటల్ ఇండెక్స్‌లు 3 శాతానికి పైగా పెరిగాయి. నిఫ్టీ పీఎస్‌యూ బ్యాంక్ ఇండెక్స్ 7 శాతం పరుగులు పెట్టింది. నిఫ్టీ మీడియా ఇండెక్స్ 5 శాతం పైకి కదిలింది.

✺ అమెరికా డాలర్‌తో పోలిస్తే ఇండియన్ రూపాయి ఫ్లాట్‌గానే ట్రేడవుతోంది. 75.58 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 3.2 శాతం పెరుగుదలతో 41.27 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 2.46 శాతం పెరుగుదలతో 38.31 డాలర్లకు ఎగసింది.



Source link

Leave a Reply

Your email address will not be published. Required fields are marked *