sensex today: చివరి గంటలో బ్యాంకులు దెబ్బేశాయ్.. కానీ.. – stock market closing updates may 21st; sensex, nifty pare gains to end marginally higher as banks fall


ప్రధానాంశాలు:

  • లాభాల్లో స్టాక్ మార్కెట్
  • సెన్సెక్స్ 110 పాయింట్లు పైకి
  • 9,100 పైకి నిఫ్టీ

దేశీ స్టాక్ మార్కెట్ లాభపడింది. బెంచ్‌మార్క్ సూచీలు ఈరోజు పరుగులు పెట్టాయి. మార్కెట్ గురువారం పైకి కదిలింది. అంతర్జాతీయ సానుకూల సంకేతాలతో దేశీ సూచీలు లాభాలతో దూసుకెళ్లాయి. అయితే చివరకు వచ్చేసరికి మాత్రం బెంచ్‌మార్క్ సూచీల లాభాలు తగ్గిపోయాయి.

ఇంట్రాడేలో సెన్సెక్స్ 370 పాయింట్లు పెరిగింది. నిఫ్టీ కూడా 9179 పాయింట్ల గరిష్టాన్ని తాకింది. కానీ చివరి గంటలో బ్యాంకింగ్ షేర్లలో అమ్మకాలు కారణంగా మార్కెట్ లాభాలు హరించుకుపోయాయి. చివరకు వచ్చేసరికి బీఎస్‌ఈ సెన్సెక్స్ 114 పాయింట్ల లాభంతో 30,933 పాయింట్ల వద్ద, ఎన్ఎస్ఈ నిఫ్టీ 40 పాయింట్ల లాభంతో 9106 పాయింట్ల వద్ద క్లోజయ్యాయి.

Also Read: శుభవార్త.. భారీగా పడిపోయిన బంగారం ధర.. వెండి షాక్!

Stock Market Highlights..

✺ నిఫ్టీ 50లో ఐటీసీ, హిందాల్కో, ఏసియన్ పెయింట్స్, హీరో మోటొకార్ప్, మారుతీ సుజుకీ షేర్లు లాభపడ్డాయి. ఐటీసీ ఏకంగా 7 శాతానికి పైగా పరుగులు పెట్టింది.

✺ అదేసమయంలో బజాజ్ ఫిన్‌సర్వ్, బజాజ్ ఫైనాన్స్, ఎన్‌టీపీసీ, ఇండస్ఇండ్ బ్యాంక్, అదానీ పోర్ట్స్ షేర్లు నష్టపోయాయి. బజాజ్ షేర్లు 3 శాతం మేర పడిపోయాయి.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ బ్యాంక్, నిఫ్టీ ఫైనాన్షియల్ సర్వీసెస్, నిఫ్టీ ప్రైవేట్ బ్యాంక్, నిఫ్టీ రియల్టీ ఇండెక్స్‌లు మినహా మిగతా సూచీలన్నీ లాభపడ్డాయి. నిఫ్టీ ఎఫ్ఎంసీజీ, నిఫ్టీ ఆటో ఇండెక్స్‌లు 2 శాతానికి పైగా ర్యాలీ చేశాయి. నిఫ్టీ మెటల్, నిఫ్టీ మీడియా సూచీలు 1 శాతానికి పైగా లాభపడ్డాయి.

✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 18 పైసలు లాభంతో 75.62 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 1.96 శాతం పెరుగుదలతో 36.45 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 2.12 శాతం పెరుగుదలతో 34.21 డాలర్లకు చేరింది.



Source link

Leave a Reply

Your email address will not be published. Required fields are marked *