sensex today: బుల్ రంకెతో దద్దరిల్లిన దలాల్‌స్ట్రీట్.. 11 ఏళ్లలో బెస్ట్ మంత్ ఇదే! – stock market closing updates april 30th; sensex surges 14% in april, clocks best month in 11 years amid covid-19


ప్రధానాంశాలు:

  • స్టాక్ మార్కెట్ పరుగు
  • సెన్సెక్స్ 1000 పాయింట్లు అప్
  • 9800 పాయింట్ల పైకి నిఫ్టీ

దేశీ స్టాక్ మార్కెట్ దుమ్మురేపింది. దలాల్ స్ట్రీట్ దద్దరిల్లింది. బెంచ్‌మార్క్ సూచీలు గురువారం ర్యాలీ చేశాయి. కరోనా వైరస్‌కు మందు ప్రయోగాత్మక దశలో సానుకూల ఫలితాలనే అందించిందనే వార్తలు ఇన్వెస్టర్ల సెంటిమెంట్‌ను బలపరిచింది. దీంతో మార్కెట్ పరుగులు పెట్టింది. అలాగే కేంద్ర ప్రభుత్వం మరో రిలీఫ్ ప్యాకేజ్ ప్రకటించొచ్చనే అంచనాలు కూడా మార్కెట్ ర్యాలీకి దోహదపడ్డాయని చెప్పుకోవచ్చు.

సెన్సెక్స్ 997 పాయింట్ల లాభంతో 33,718 పాయింట్ల వద్ద, నిఫ్టీ 307 పాయింట్ల లాభంతో 9860 పాయింట్ల వద్ద క్లోజయ్యాయి. మార్కెట్ ఒక నెలలో ఈ స్థాయిలో లాభపడటం 11 ఏళ్లలో ఇదే తొలిసారి కావడం గమనార్హం.

Also Read: భారీగా తగ్గిన బంగారం ధర.. హైదరాబాద్‌లో రేట్లు ఇలా!

Stock Market Highlights..

✺ నిఫ్టీ 50లో టాటా మోటార్స్, యూపీఎల్, ఓఎన్‌జీసీ, వేదాంత, హిందాల్కో షేర్లు లాభపడ్డాయి. టాటా మోటార్స్ ఏకంగా 20 శాతం పరుగులు పెట్టింది.

✺ అదేసమయంలో సన్ ఫార్మా, హెచ్‌యూఎల్, సిప్లా, ఇండస్ఇండ్ బ్యాంక్, ఐటీసీ షేర్లు నష్టపోయాయి. సన్ ఫార్మా 2 శాతానికి పైగా పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ మీడియా, నిఫ్టీ ఫార్మా షేర్లు ఇండెక్స్‌లు నష్టపోయాయి. ఇక మిగతా ఇండెక్స్‌లన్నీ లాభపడ్డాయి. నిఫ్టీ ఆటో ఏకంగా 6 శాతానికి పైగా పెరిగింది. నిఫ్టీ ఐటీ కూడా 5 శాతం పరుగులు పెట్టింది. నిఫ్టీ బ్యాంక్, నిఫ్టీ ప్రైవేట్ బ్యాంక్, నిఫ్టీ రియల్టీ ఇండెక్స్‌లు 2 శాతం లాభపడ్డాయి. నిఫ్టీ మెటల్ దాదాపు 8 శాతం పైకి కదిలింది.

✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 57 పైసలు లాభంతో 75.10 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 8.87 శాతం పెరుగుదలతో 26.39 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 16.80 శాతం పెరుగుదలతో 17.62 డాలర్లకు ఎగసింది.



Source link

Leave a Reply

Your email address will not be published. Required fields are marked *