sensex today: బ్యాంకుల దెబ్బ.. మార్కెట్ పతనం! – stock market closing updates april 24th; nifty registers 1% weekly loss amid coronavirus jitters; financials drag


ప్రధానాంశాలు:

  • కుప్పకూలిన స్టాక్ మార్కెట్
  • సెన్సెక్స్ 500 పాయింట్లు కిందకు
  • 9200 పైకి నిఫ్టీ

నిన్న పరుగులు పెట్టిన దేశీ స్టాక్ మార్కెట్ ఈరోజు పతనమైంది. అంతర్జాతీయ బలహీన సంకేతాలు నడుమ బెంచ్‌మార్క్ సూచీలు శుక్రవారం చతికిలపడ్డాయి. కరోనావైరస్ మహమ్మారి వలన కలిగే ఆర్థిక నష్టాన్ని అమెరికా గణాంకాలు తేటతెల్లచేయడం సహా COVID 19 చికిత్సకు రూపొందించిన ప్రయోగాత్మక డ్రగ్ విఫలమైందనే నివేదికలు మార్కెట్‌పై ప్రతికూల ప్రభావం చూపాయని నిపుణులు పేర్కొంటున్నాయి.

ఇంట్రాడేలో బీఎస్‌ఈ సెన్సెక్స్ 585 పాయింట్ల నష్టంతో 31,278 పాయింట్ల కనిష్టానికి పడిపోయింది. ఎన్‌ఎస్‌ఈ నిఫ్టీ కూడా 173 పాయింట్ల తగ్గుదలతో 9141 పాయింట్లకు క్షీణించింది. చివరకు సెన్సెక్స్ 536 పాయింట్ల నష్టంతో 31,327 పాయింట్ల వద్ద, నిఫ్టీ 159 పాయింట్ల నష్టంతో 9154 పాయింట్ల వద్ద క్లోజయ్యాయి.

Stock Market Highlights..

✺ నిఫ్టీ 50లో రిలయన్స్ ఇండస్ట్రీస్, బ్రిటానియా, సన్ ఫార్మా, సిప్లా, హీరో మోటొకార్ప్ షేర్లు లాభపడ్డాయి. రిలయన్స్ ఇండస్ట్రీస్ 4 శాతానికి పైగా పెరిగింది.

✺ అదేసమయంలో బజాజ్ ఫైనాన్స్, భారతీ ఇన్‌ఫ్రాటెల్, జీ ఎంటర్‌టైన్‌మెంట్, బజాజ్ ఫిన్‌సర్వ్, హిందాల్కో షేర్లు నష్టపోయాయి. బజాజ్ ఫైనాన్స్ ఏకంగా 9 శాతం పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ ఫార్మా ఇండెక్స్ 1 శాతానికి పైగా పెరిగింది. ఇక మిగతా ఇండెక్స్‌లన్నీ నష్టపోయాయి. నిఫ్టీ రియల్టీ ఇండెక్స్ 4 శాతం, నిఫ్టీ బ్యాంక్ 3 శాతం, నిఫ్టీ ఫైనాన్షియల్ సర్వీసెస్ 4 శాతం, నిఫ్టీ మీడియా 3 శాతం, నిఫ్టీ పీఎస్‌యూ ఇండెక్స్ 3 శాతం, నిఫ్టీ ప్రైవేట్ బ్యాంక్ ఇండెక్స్ 3 శాతం చొప్పున నష్టపోయాయి.

✺ అమెరికా డాలర్‌తో పోలిస్తే ఇండియన్ రూపాయి నష్టాల్లో ట్రేడవుతోంది. 38 పైసలు నష్టంతో 76.46 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 0.56 శాతం పెరుగుదలతో 21.45 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 2.97 శాతం పెరుగుదలతో 16.99 డాలర్లకు ఎగసింది.



Source link

Leave a Reply

Your email address will not be published. Required fields are marked *