sensex today: Banks దన్ను.. దుమ్మురేపిన మార్కెట్.. ఈ నెలలో ఇదే బెస్ట్! – stock market closing updates may 27th; sensex ends nearly 1,000 points higher, clocks best day of may led by banks


ప్రధానాంశాలు:

  • స్టాక్ మార్కెట్ ర్యాలీ
  • సెన్సెక్స్ 1000 పాయింట్లు పరుగు
  • 9,300 పైకి నిఫ్టీ

దేశీ స్టాక్ మార్కెట్ అదరగొట్టింది. బెంచ్‌మార్క్ సూచీలు పరుగులు పెట్టాయి. బుధవారం భారీగా లాభపడ్డాయి. మార్కెట్ ఒక్క రోజులో ఈ స్థాయిలో ర్యాలీ చేయడం మే నెలలో ఇదే తొలిసారి కావడం గమనార్హం. బ్యాంకింగ్, ఫైనాన్షియల్ రంగ షేర్లలో కొనుగోళ్ల జోరుతోపాటు హెవీవెయిట్ షేర్లు లాభపడటంతో మార్కెట్‌కు కలిసొచ్చింది.

ఇంట్రాడేలో సెన్సెక్స్ 1051 పాయింట్లు ర్యాలీ చేసింది. నిఫ్టీ కూడా 9300 పాయింట్ల పైకి చేరింది. ఫ్యూచర్స్ అండ్ ఆప్షన్స్ ఎక్స్‌పైరీకి ఒక రోజు ముందు షార్ట్ కవరింగ్ కారణంగా బ్యాంకింగ్ షేర్లలో కొనుగోళ్ల నేపథ్యంలో సూచీలు పరుగులు పెట్టాయి. చివరకు బీఎస్‌ఈ సెన్సెక్స్ 996 పాయింట్ల లాభంతో 31,605 పాయింట్ల వద్ద, ఎన్ఎస్ఈ నిఫ్టీ 286 పాయింట్ల లాభంతో 9315 పాయింట్ల వద్ద క్లోజయ్యాయి.

Also Read: శుభవార్త.. పడిపోయిన బంగారం ధర.. వెండి భారీ షాక్!

Stock Market Highlights..

✺ నిఫ్టీ 50లో యాక్సిస్ బ్యాంక్, ఐసీఐసీఐ బ్యాంక్, విప్రో, గ్రాసిమ్, బజాజ్ ఫైనాన్స్ షేర్లు లాభపడ్డాయి. యాక్సిస్ బ్యాంక్ ఏకంగా 14 శాతానికి పైగా ర్యాలీ చేసింది.

✺ అదేసమయంలో సన్ ఫార్మా, అల్ట్రాటెక్ సిమెంట్, జీ ఎంటర్‌టైన్‌మెంట్, టైటాన్, ఏసియన్ పెయింట్స్ షేర్లు నష్టపోయాయి. సన్ ఫార్మా 2 శాతం పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ మీడియా, నిఫ్టీ ఫార్మా ఇండెక్స్‌లు నష్టపోయాయి. ఇక మిగతా సూచీలు అన్నీ లాభపడ్డాయి. నిఫ్టీ బ్యాంక్ ఇండెక్స్ ఏకంగా 7 శాతానికి పైగా పెరిగింది. నిఫ్టీ ఫైనాన్షియల్ సర్వీసెస్ ఇండెక్స్ 6 శాతం పరుగులు పెట్టింది. నిఫ్టీ ఐటీ 3 శాతం, నిఫ్టీ పీఎస్‌యూ బ్యాంక్ 3 శాతం చొప్పున లాభపడ్డాయి. నిఫ్టీ ప్రైవేట్ బ్యాంక్ కూడా 7 శాతానికి పైగా పైకి కదిలింది.

✺ అమెరికా డాలర్‌తో పోలిస్తే ఇండియన్ రూపాయి నష్టాల్లో ట్రేడవుతోంది. 5 పైసలు నష్టంతో 75.72 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 1.58 శాతం తగ్గుదలతో 35.59 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 1.34 శాతం క్షీణతతో 33.87 డాలర్లకు తగ్గింది.



Source link

Leave a Reply

Your email address will not be published. Required fields are marked *