sensex today: RBI దెబ్బ.. 3 రోజుల లాభాలకు బ్రేకులు..! – stock market closing updates may 22nd; sensex, nifty break 3-day winning run after rbi announcements


ప్రధానాంశాలు:

  • నష్టాల్లో స్టాక్ మార్కెట్
  • సెన్సెక్స్ 260 పాయింట్లు డౌన్
  • 9,100 కిందకు నిఫ్టీ

దేశీ స్టాక్ మార్కెట్ మూడు లాభాల ట్రెండ్‌కు అడ్డుకట్ట పడింది. బెంచ్‌మార్క్ సూచీలు ఈరోజు డీలా పడ్డాయి. మార్కెట్ శుక్రవారం నష్టపోయింది. రిజర్వు బ్యాంక్ ఆఫ్ ఇండియా (RBI) నిర్ణయాలు ఇన్వెస్టర్లకు రుచించలేదు. దీంతో మార్కెట్ నష్టాల్లోకి వెళ్లిపోయింది. ఆర్‌బీఐ తాజాగా ఈఎంఐ మారటోరియం మరో 3 నెలలు పొడిగింపు, కీలక రెపో రేటు తగ్గింపు వంటి నిర్ణయాలు తీసుకున్న విషయం తెలిసిందే.

ఆర్‌బీఐ నిర్ణయాలతో ఇంట్రాడేలో సెన్సెక్స్ 458 పాయింట్లు పడిపోయింది. నిఫ్టీ కూడా 9000 పాయింట్ల దిగువకు పతనమైంది. బ్యాంకింగ్ షేర్లలో అమ్మకాలు కారణంగా మార్కెట్ నష్టాల్లోకి జారుకుంది. చివరకు బీఎస్‌ఈ సెన్సెక్స్ 260 పాయింట్ల నష్టంతో 30,673 పాయింట్ల వద్ద, ఎన్ఎస్ఈ నిఫ్టీ 67 పాయింట్ల నష్టంతో 9039 పాయింట్ల వద్ద క్లోజయ్యాయి.

Also Read: ‘ఇప్పుడు కొనండి.. తర్వాత డబ్బులు కట్టండి’- మారుతీ సుజుకీ బంపరాఫర్!

Stock Market Highlights..

✺ నిఫ్టీ 50లో జీ ఎంటర్‌టైన్‌మెంట్, ఎంఅండ్ఎం, సిప్లా, శ్రీ సిమెంట్, ఇన్ఫోసిస్ షేర్లు లాభపడ్డాయి. జీ ఎంటర్‌టైన్‌‌మెంట్ షేరు 7 శాతానికి పైగా పరుగులు పెట్టింది.

✺ అదేసమయంలో యాక్సిస్ బ్యాంక్, హెచ్‌డీఎఫ్‌సీ, బజాజ్ ఫిన్‌సర్వ్, బజాజ్ ఫైనాన్స్, హిందాల్కో షేర్లు నష్టపోయాయి. యాక్సిస్ బ్యాంక్ 5 శాతానికి పైగా పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ ఆటో, నిఫ్టీ ఫార్మా, నిఫ్టీ మీడియా, నిఫ్టీ ఐటీ ఇండెక్స్‌లు లాభపడ్డాయి. ఇక మిగతా ఇండెక్స్‌లన్నీ నష్టపోయాయి. నిఫ్టీ ప్రైవేట్ బ్యాంక్ ఇండెక్స్ 2 శాతం, నిఫ్టీ ఫైనాన్సియల్ సర్వీసెస్ ఇండెక్స్ 3 శాతం, నిఫ్టీ బ్యాంక్ ఇండెక్స్ 2 శాతం చొప్పున క్షీణించాయి.

✺ అమెరికా డాలర్‌తో పోలిస్తే ఇండియన్ రూపాయి నష్టాల్లో ట్రేడవుతోంది. 33 పైసలు నష్టంతో 75.95 వద్ద కదలాడుతోంది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 5.41 శాతం తగ్గుదలతో 34.10 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 6.87 శాతం క్షీణతతో 31.60 డాలర్లకు తగ్గింది.



Source link

Leave a Reply

Your email address will not be published. Required fields are marked *