sensex today: Rupee: భారీగా పడిపోయిన మార్కెట్.. కారణాలివే! – stock market closing updates october 28; sensex slumps 600 points, nifty ends below 11,750 on weak global cues


ప్రధానాంశాలు:

  • కుప్పకూలిన ఈక్విటీ మార్కెట్
  • సెన్సెక్స్ 600 పాయింట్లు ఢమాల్
  • 11,750 కిందకు నిఫ్టీ

దేశీ స్టాక్ మార్కెట్ కుప్పకూలింది. పతనమైంది. భారీగా నష్టపోయింది. ఈక్విటీ మార్కెట్ బుధవారం పేకమేడలా కూలిపోయింది. బెంచ్‌మార్క్ సూచీలు చతికిలపడ్డాయి. ప్రతికూల అంతర్జాతీయ పరిస్థితులు ఇందుకు ప్రధాన కారణం. యూరప్‌ మార్కెట్లు పడిపోవడంతో ఆ ఎఫెక్ట్ మన మార్కెట్‌పై కూడా పడింది. కరోనా వైరస్ కేసులు పెరిగిపోతుండటంతో మళ్లీ కఠినమైన లాక్ డౌన్ నిబంధనలు అమలులోకి రావొచ్చని, దీంతో ఆర్థిక వ్యవస్థపై ప్రతికూల ప్రభావం పడొచ్చని ఇన్వెస్టర్లు ఆందోళన చెందుతున్నారు.

అంతేకాకుండా అమెరికా అధ్యక్ష ఎన్నికలపై నెలకొన్న అనిశ్చితి కూడా ఇన్వెస్టర్ల సెంటిమెంట్‌ను దెబ్బతీసిందని చెప్పుకోవచ్చు. ఇంట్రాడేలో బీఎస్ఈ సెన్సెక్స్ ఏకంగా 747 పాయింట్లు కుప్పకూలింది. నిఫ్టీ కూడా 205 పాయింట్లు పతనమై 11,700 పాయింట్ల కిందకు పడిపోయింది. చివరకు సెన్సెక్స్ 600 పాయింట్లు తగ్గుదలతో 39,922 వద్ద, నిఫ్టీ 160 పాయింట్ల తగ్గుదలతో 11,730 వద్ద క్లోజయ్యాయి.

Also Read: Loan తీసుకునే వారికి హెచ్‌డీఎఫ్‌సీ బ్యాంక్ గుడ్ న్యూస్.. కొత్త సర్వీసులు అందుబాటులోకి!

Stock Market Highlights..

✺ నిఫ్టీ 50లో భారతీ ఎయిర్‌టెల్, యూపీఎల్, ఎంఅడ్ఎం, ఐషర్ మోటార్స్, హీరో మోటొకార్ప్ షేర్లు లాభపడ్డాయి. భారతీ ఎయిర్‌టెల్ 3 శాతానికి పైగా పెరిగింది.

✺ అదేసమయంలో హెచ్‌డీఎఫ్‌సీ, ఇండస్ఇండ్ బ్యాంక్, ఐసీఐసీఐ బ్యాంక్, అదానీ పోర్ట్స్, డాక్టర్ రెడ్డీస్ ల్యాబొరేటరీస్ షేర్లు నష్టపోయాయి. ఇవ్వన్నీ 3 శాతానికి పైగా పడిపోయాయి.

✺ నిఫ్టీ‌ సెక్టోరల్ ఇండెక్స్‌లన్నీ నష్టాల్లోనే క్లోజయ్యాయి. నిఫ్టీ బ్యాంక్ 2 శాతం, నిఫ్టీ ఆటో 0.1 శాతం, నిఫ్టీ ఫైనాన్షియల్ సర్వీసెస్ 2 శాతం, నిఫ్టీ ఎఫ్ఎంసీజీ 0.7 శాతం, నిఫ్టీ ఐటీ 1 శాతం, నిఫ్టీ మెటల్ 1.4 శాతం, నిఫ్టీ ఫార్మా 1.6 శాతం, నిఫ్టీ పీఎస్‌యూ బ్యాంక్ 1.5 శాతం, నిఫ్టీ ప్రైవేట్ బ్యాంక్ 2 శాతం చొప్పున నష్టపోయాయి.

✺ అమెరికా డాలర్‌తో పోలిస్తే ఇండియన్ రూపాయి నష్టపోయింది. 16 పైసలు నష్టంతో 73.87 వద్ద క్లోజయ్యింది.

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు భారీగా తగ్గాయి. బ్రెంట్ క్రూడ్ ధర బ్యారెల్‌కు 3.94 శాతం తగ్గుదలతో 39.98 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 4.8 శాతం క్షీణతతో 37.67 డాలర్లకు తగ్గింది.



Source link

Leave a Reply

Your email address will not be published. Required fields are marked *