Sex before marriage: ‘నా గర్ల్‌ఫ్రెండ్‌తో నాలుగేళ్లుగా కలిసి ఉంటున్నా.. కానీ, అలా చేస్తుంటే…’ – i never got physically intimate with my girlfriend in four years relationship


సమస్య: హాయ్, నాకు 27 ఏళ్లు. నేను ఒక అమ్మాయితో నాలుగేళ్లుగా సహజీవనం చేస్తున్నా. నాకు ఉద్యోగం వచ్చి స్థిరపడగానే ఇద్దరం పెళ్లి చేసుకోవాలని నిర్ణయించుకున్నాం. ఆమెతో సహజీవనం చేయడం వల్ల పెళ్లి తర్వాత పెరిగే బాధ్యతలు మోయగలమనే నమ్మకం ఏర్పడింది. కానీ, నేను ఇప్పుడు చాలా డిప్రెషన్‌లో ఉన్నాను. చాలా అసహనంతో ఉన్నాను.

ఎందుకంటే.. నాలుగేళ్ల మా రిలేషన్‌షిప్‌లో మేం ఒక్కసారి కూడా భౌతికంగా కలుసుకోలేదు. ఒక వేళ ఆ మాట ఎత్తితే ఆమె షాకవుతుంది. ఏదో మాట్లాడకూడని మాట అనేసినట్లు ఫీలైపోతుంది. ఆమె వద్ ‘ఆ’ మాట ఎత్తితే చాలు.. విలువల గురించి చర్చ లేపుతుంది. మేం ఇద్దరం గాఢంగా ప్రేమించుకుంటున్నాం. కానీ, గత నాలుగేళ్లలో ఒక్కసారి కూడా ముద్దు పెట్టుకోలేదు. కనీసం ఆమె టచ్ కూడా చేయనివ్వడం లేదు.

ఆమెకు ఆ పని చేయడం అంటేనే ఇష్టం లేదని చెప్పేస్తోంది. నాకు ఇప్పుడు 27 ఏళ్లు.. నాకు కూడా కొన్ని ‘భౌతిక’ అవసరాలు ఉంటాయి కదా. నా గర్ల్‌ఫ్రెండ్ నుంచి నాకు అలాంటి సహకారం లభించడం లేనందుకు నేను ఎంతో ఫ్రస్ట్రేషన్‌లో ఉంటున్నా. నా బాధ అర్థం చేసుకున్న ఓ ఫ్రెండ్.. బయట యువతులతో కలవమని సలహా ఇచ్చాడు. కానీ, నేను అలా చేయలేను.

Read Also: ‘నాకు పెళ్లయ్యింది.. కానీ, ఆ కాలేజీ కుర్రాడితో లిఫ్ట్‌లో…’

ఎందుకంటే.. నేను నా గర్ల్‌ఫ్రెండ్‌ను ఎంతగానో ప్రేమిస్తున్నా. బయట అమ్మాయితో ఒక్కసారి కలిసినా.. నేను తప్పు చేసినవాడిలా ఫీలవ్వుతాను. నాకు ఇప్పుడు ఏం చేయాలో తెలియక పిచ్చెక్కిపోతోంది. ఒక వేళ నేను తొందరపడితే.. ఆమె నన్ను వదిలేయడానికి కూడా వెనకాడదు. దయచేసి నేను ఏం చేయాలో చెప్పండి.
– ఓ సోదరుడు (ప్రైవసీ నిమిత్తం వ్యక్తుల పేర్లను గోప్యంగా ఉంచుతున్నాం)

సలహా: పెళ్లికి ముందు కలయిక అనేది ఇద్దరి పరస్పర అంగీకరంతోనే జరగాలి. అయితే, ఇందులో కొన్ని రకాల సమస్యలు ఉన్నాయి. ఒకటి.. వారి కుటుంబ సాంప్రదాయాలు, మర్యాదలు, నమ్మకాలపై ఆధారపడి ఉంటుంది. మరొకటి.. ఇంటి పెద్దల వల్ల భయం కూడా వెనకడుగు వేయడానికి కారణం అవుతుంది. అయితే, మీరు ఆమె గురించి చెప్పినప్పుడు ఒక విషయం చెప్పారు. ఆమెకు పెళ్లికి ముందు కలయిక ఇష్టం లేదని చెబుతోందన్నారు. అయితే, ఈ విషయంలో మీరు ఒక విషయం ఆమెతో స్పష్టంగా అడిగి తెలుసుకోవాలి. ఆమెకు పెళ్లికి ముందు ‘కలయిక’ అంటేనే ఇష్టం లేదా? లేకపోతే.. ఆమె పూర్తిగా ‘కలయిక’కు వ్యతిరేకమా అనేది అడిగి చూడండి. దీనిపై మీకు స్పష్టత అవసరం. అంతేగాక.. ఆ విషయంలో ఆమె ఉద్దేశం ఏమిటో స్పష్టంగా అడిగి తెలుసుకోండి. ఎలాగో పెళ్లి చేసుకుంటాం కదా.. ఎందుకు వద్దని అంటున్నావని అడిగి చూడండి.

Read Also: ఈ 8 రాశులవారు తమ భాగస్వామిని చీట్ చేస్తారట, ఎందుకంటే..

మరో విషయం ఏమిటంటే.. ఆమె పెళ్లికి ముందే తొందర పడకూడదని భావించడం పూర్తిగా ఆమె అధికారం, ఆమె ఇష్టం.. ఆమె విశ్వాసం. కాబట్టి.. ఆమెను అందుకు ఒప్పించే ప్రయత్నం చేయొద్దు. మీరు మీ బంధాన్ని మరింత బలోపేతం చేసుకొనే దిశగా ముందుకు సాగాలి. ఆమె విశ్వాసాన్ని బలవంతంగా మార్చేయాలని ప్రయత్నించకూడదు. ఆమె నిర్ణయాన్ని గౌరవించండి. అలాగే, మీ స్నేహితుడు చెప్పినట్లుగా మీరు బయట సంబంధాలను పెట్టుకోవద్దు. దీనివల్ల ఉన్న బంధాలు తెగిపోవచ్చు. కాబట్టి.. తప్పకుండా మీ గర్ల్‌ఫ్రెండ్‌తో ఈ విషయాన్ని తెలియజేయండి. ఈ ఆలోచనలతో ఉద్యోగ ప్రయత్నాలను నిర్లక్ష్యం చేయొద్దు. వీలైనంత త్వరగా జీవితంలో స్థిరపడి ఇద్దరు పెళ్లితో ఒక్కటవ్వండి. అప్పుడు మీరు ఎదురుచూస్తున్న రోజు ఆలస్యం కాకుండా ముందే రావచ్చు.

– రచనా అవత్రమణి, కౌన్సెలింగ్ సైకాలజిస్ట్, ఇన్‌సైట్ కౌన్సెలింగ్ సర్వీసెస్‌, ముంబయి

(టైమ్స్ ఆఫ్ ఇండియా సౌజన్యంతో..)



Source link

Leave a Reply

Your email address will not be published. Required fields are marked *