Shahid Afridi: అఫ్రిది వ్యాఖ్యలపై విరాట్ కోహ్లీ చిన్ననాటి కోచ్ ఫైర్ – no one took him seriously: virat kohli’s childhood coach slams shahid afridi


భారత ప్రధాని నరేంద్ర మోడీ, కాశ్మీర్‌పై వివాదాస్పద వ్యాఖ్యలు చేసిన పాకిస్థాన్ మాజీ క్రికెటర్ షాహిద్ అఫ్రిదిపై కోహ్లీ చిన్ననాటి కోచ్ రాజ్‌కుమార్ శర్మ తీవ్రస్థాయిలో మండిపడ్డాడు. ఇటీవల పాక్ ఆక్రమిత కాశ్మీర్‌లో పర్యటించిన అఫ్రిది అక్కడ మీడియాతో మాట్లాడుతూ ‘‘ప్రపంచమంతా కరోనా వైరస్‌పై పోరాడుతోంది. కానీ.. భారత ప్రధాని నరేంద్ర మోడీ మనసులో కరోనా వైరస్ కంటే ప్రమాదకరమైన వ్యాధి ఉంది. పాక్ సైన్యం ఏడు లక్షలుకాగా.. ఒక్క కాశ్మీర్‌లోనే భారత ప్రభుత్వం అంతకంటే ఎక్కువ సైన్యాన్ని మొహరించింది. కానీ.. కాశ్మీర్ పౌరులు పాక్‌ సైన్యానికే సపోర్ట్ చేస్తున్నారు’’ అని అఫ్రిది వెల్లడించాడు.

అఫ్రిది వ్యాఖ్యలు అర్థరహితమని మండిపడిన రాజ్‌కుమార్ శర్మ.. ఆ మాటల్ని ఎవరూ పట్టించుకోవడం లేదని చెప్పుకొచ్చాడు. అలానే అఫ్రిది త్వరలోనే రాజకీయాల్లోకి రావాలని ఆశపడుతున్నట్లు జోస్యం చెప్పిన కోహ్లీ చిన్ననాటి కోచ్.. భారతీయుల్ని తిట్టడం ద్వారా పాక్‌లో అతను ఫేమస్ అయిపోవాలని ఆశిస్తున్నట్లు వెల్లడించాడు. మొత్తంగా ఎవరూ అతని మాటల్ని సీరియస్‌గా తీసుకోవడం లేదని తేల్చేశాడు.

‘‘అఫ్రిది మాటల్ని భారత క్రికెట్ జట్టులో ఎవరూ సీరియస్‌గా తీసుకోవడం లేదు. క్రికెట్ ఆడే రోజుల్లోనూ అతనిది అదే తీరు. భారత క్రికెటర్లు ఎవరూ కూడా అంత దిగజారుడు వ్యాఖ్యలు చేయరు. దేశ ప్రధాని గురించి మాట్లాడే సమయంలో ఎలా వ్యవహరించాలో అఫ్రిది నేర్చుకోవాల్సిన అవసరం ఉంది. విరాట్ కోహ్లీ ఎప్పుడూ అఫ్రిది గురించి మాట్లాడలేదు. అతనికి అంత ప్రాధాన్యం కూడా కోహ్లీ ఇవ్వడు. బహుశా.. అఫ్రిది రాజకీయాల్లోకి వెళ్లాలని ఆశిస్తున్నట్లున్నాడు. భారతీయుల్ని తిడితే తాను పాక్‌లో ఫేమస్ అయిపోవచ్చని అఫ్రిది భావిస్తున్నాడు. కానీ.. ఎవరూ అతని మాటల్ని పట్టించుకోవడం లేదు’’ అని రాజ్‌కుమార్ శర్మ వెల్లడించాడు.



Source link

Leave a Reply

Your email address will not be published. Required fields are marked *