shahid afridi trolls: ఏంటి అఫ్రిది అవుతావా..? జల్దీ ఔటవడానికా..!: అక్తర్ సెటైర్ – former pakistan fast bowler shoaib akhtar’s hilarious reply after kid tells him he wants to become shahid afridi


పాకిస్థాన్ మాజీ ఫాస్ట్ బౌలర్ షోయబ్ అక్తర్ తన ఒకప్పటి సహచరుడు షాహిద్ అఫ్రిదిపై సెటైర్ పేల్చాడు. క్రికెట్ నేర్చుకునే పిల్లలతో ఇంటరాక్ట్ అయిన షోయబ్ అక్తర్.. పెద్దయ్యాక ఏమవ్వాలనుకుంటున్నారు..? అని ప్రశ్నించాడు. ఈ క్రమంలో ఓ పిల్లాడు తాను అఫ్రిది అవ్వాలనుకుంటున్నానని చెప్పడంతో.. అక్తర్ ఫన్నీగా ‘‘అఫ్రిదినా..? అయితే నువ్వు ఫాస్ట్‌గా ఔటైపోతావ్..!’’ అని నవ్వేశాడు. ఈ వీడియో ఎప్పటితో తెలియదు.. కానీ.. ఇప్పుడు సోషల్ మీడియాలో వైరల్‌గా మారింది.
పాకిస్థాన్ తరఫున అంతర్జాతీయ క్రికెట్‌లో దాదాపు 10వేల పరుగులు చేసిన షాహిద్ అఫ్రిది.. 500పైగా వికెట్లు కూడా పడగొట్టాడు. కానీ.. క్రికెట్ ప్రపంచంలోనే ఎక్కువసార్లు డకౌటైన క్రికెటర్‌గా ఇప్పటికీ చెత్త రికార్డ్ అతని పేరిట కొనసాగుతోంది. ఎంతలా అంటే..? ఏకంగా 44 మ్యాచ్‌ల్లో అఫ్రిది డకౌటయ్యాడు. వాస్తవానికి కెరీర్ ఆరంభంలోనే 37 బంతుల్లో సెంచరీ నమోదు చేసిన అఫ్రిది.. ఎన్నో సంచలన ఇన్నింగ్స్‌లు ఆడాడు. కానీ.. నిలకడలేమి అతని బలహీనత.

అఫ్రిది నిలకడపై అప్పట్లో పెద్ద ఎత్తున సెటైర్లు వినిపించేవి. మ్యాగీ ప్రిపేర్ చేసేలోపే అఫ్రిది ఔటయ్యాడని అప్పట్లో జోక్‌లు పేల్చేవారు. క్రీజులోకి వచ్చినప్పటి నుంచి హిట్టింగ్‌‌కే అధిక ప్రాధాన్యమిచ్చే అఫ్రిది.. దాదాపు 22 ఏళ్ల పాటు అంతర్జాతీయ క్రికెట్‌లో మ్యాచ్‌లు ఆడాడు.



Source link

Leave a Reply

Your email address will not be published. Required fields are marked *