Shikhar Dhawan: నువ్వు నా భార్యలాగా.. విజయ్‌తో కెమిస్ట్రీపై ధావన్ ఫన్నీ రెస్పాన్స్ – i tell murali vijay he is like my wife: shikhar dhawan


టీమిండియా సీనియర్ ఓపెనర్ మురళీ విజయ్‌తో మైదానంలో, వెలుపల కూడా తన కెమిస్ట్రీ చాలా బాగుంటుందని ఓపెనర్ శిఖర్ ధావన్ వెల్లడించాడు. 2018 ఆస్ట్రేలియా పర్యటనలో పేలవ ప్రదర్శనతో నిరాశపరిచిన మురళీ విజయ్ అప్పట్లో వేటుకి గురయ్యాడు. ఆ తర్వాత దేశవాళీ క్రికెట్, ఐపీఎల్‌లోనూ అతను చెప్పుకోదగ్గ ప్రదర్శన కనబర్చలేకపోవడంతో మళ్లీ టీమిండియాలోకి రీఎంట్రీ ఇవ్వలేకపోయాడు. మరోవైపు శిఖర్ ధావన్ కూడా గాయాలు, పేలవ ఫామ్ కారణంగా టెస్టులకి దూరమయ్యాడు. దాంతో.. ఇప్పట్లో మురళీ విజయ్, శిఖర్ ధావన్ మళ్లీ టీమిండియాకి కలిసి ఆడే సూచనలు కనిపించడం లేదు.

Read More: యువరాజ్.. ధోనీ నాకు కూడా వార్నింగ్ ఇచ్చాడు: సురేశ్ రైనా
భారత సీనియర్ ఆఫ్ స్పిన్నర్ రవిచంద్రన్ అశ్విన్‌తో ఇన్‌స్టాగ్రామ్ లైవ్ సెషన్‌లో తాజాగా శిఖర్ ధావన్ మాట్లాడుతుండగా.. మురళీ విజయ్‌తో ఫ్రెండ్‌షిప్‌ గురించి చర్చ వచ్చింది. దాంతో.. తమ మధ్య కెమిస్ట్రీ గురించి శిఖర్ ధావన్ మాట్లాడుతూ ‘‘విజయ్ నాకు చాలా క్లోజ్.. మంచి మనసు వ్యక్తి కూడా. ఇంకా చెప్పాలంటే అతను నాకు జస్ట్ లైక్ వైఫ్. మైదానంలోనే కాదు.. వెలుపల కూడా మా కమ్యూనికేషన్ బాగుంటుంది. వికెట్ల మధ్య పరుగు తీసే సమయంలో కొన్ని సందర్భాల్లో మేము గొడవపడతాం.. కానీ.. వెంటనే సర్దుకుంటాం. ఓపిక, సహనం ఉంటే తప్ప.. విజయ్‌ని అర్థం చేసుకోవడం కష్టం. అతనితో కలిసి ఓపెనింగ్ చేయడాన్ని బాగా ఆస్వాదిస్తా’’ అని శిఖర్ ధావన్ వెల్లడించాడు.

Read More: కోహ్లీ కాదు.. ఆ భారత బ్యాట్స్‌మెన్ వికెట్‌తో మజా: పాక్ బౌలర్

భారత టెస్టు జట్టులో ఓపెనింగ్ స్థానం కోసం పోటీ గత ఏడాది నుంచి పతాక స్థాయికి చేరింది. గత ఏడాది వరకూ టెస్టుల్లో మిడిలార్డర్‌లో ఆడిన రోహిత్ శర్మ ఓపెనర్‌గా సెటిలవగా.. మరో స్థానం కోసం మయాంక్ అగర్వాల్, పృథ్వీ షా, శుభమన్ గిల్, శిఖర్ ధావన్ మధ్య పోటీనెలకొంది.



Source link

Leave a Reply

Your email address will not be published. Required fields are marked *