Shikhar Dhawan: పాక్ స్లెడ్జింగ్‌కు అలా బ‌దులిచ్చా: ధావ‌న్‌ – indian opener shikhar dhawan gives reply to pakistani fans who sledged him in 2015 odi world cup


భార‌త వైట్‌బాల్ క్రికెట్ జట్టులో ఓపెన‌ర్‌గా శిఖ‌ర్ ధావ‌న్ ఎన్నో మ్యాచ్ ఇన్నింగ్స్ ఆడిన సంగ‌తి తెలిసిందే. తాజాగా సోష‌ల్ మీడియాలో పాకిస్థాన్ అభిమానుల‌తో త‌న‌కెదురైన అనుభ‌వాన్ని ధావ‌న్ పంచుకున్నాడు. భార‌త మ‌హిళా క్రికెట‌ర్లు స్మృతి మంధాన‌-జెమీమా రోడ్రిగ్స్ నిర్వ‌హిస్తున్న డ‌బుల్ ట్ర‌బుల్ షోలో ధావ‌న్ మాట్లాడుతూ.. 2015 వ‌న్డే ప్ర‌పంచ‌క‌ప్‌లో ఎదురైన సంఘ‌ట‌న‌ను గుర్తు చేసుకున్నాడు. ఆ మ్యాచ్ సంద‌ర్భంగా బ్యాటింగ్‌కు వెళుతుంటే పాక్ అభిమానులు త‌న‌ను గేలి చేశార‌ని చెప్పుకొచ్చాడు. అయితే ఆ మ్యాచ్‌లో త‌ను అర్ధ‌సెంచ‌రీ (73)తో వారికి స‌మాధాన‌మిచ్చాన‌ని చెప్పుకొచ్చాడు.

త‌ను ఔటై తిరిగి వ‌స్తున్న క్ర‌మంలో త‌న‌ను గేలి చేసిన పాక్ ఫ్యాన్సే త‌న‌కు శుభాకాంక్ష‌లు తెలిపారని ధావ‌న్ తెలిపాడు. మ‌రోవైపు ఇండో-పాక్ పోరంటే హై వోల్టేజీ యాక్ష‌న్‌ను అభిమానులు ఆశిస్తార‌ని గుర్తు చేసుకున్నాడు. ముఖ్యంగా ఐసీసీ ఈవెంట్ల‌లో ఎలాగైనా పాక్‌పై గెల‌వాల‌ని టీమిండియా ఫ్యాన్స్ కోరుకుంటార‌ని తెలిపాడు. మ‌రోవైపు స‌ద‌రు మ్యాచ్‌కు ముందు త‌ను ఫామ్‌లో లేన‌ని తెలిపాడు.

అంత‌కుముందు జ‌రిగిన ఆస్ట్రేలియా సిరీస్‌లో విఫ‌ల‌మ‌య్యాయ‌ని, అయితే పాక్‌పై రాణించ‌డం ఎంతో సంతృప్తినిచ్చింద‌ని ధావ‌న్ పేర్కొన్నాడు. మ‌రోవైపు వ‌న్డే ప్ర‌పంచ‌క‌ప్‌లో పాక్‌పై భార‌త్‌కు తిరుగులేని రికార్డు ఉంది. ఇప్ప‌టివ‌ర‌కు జ‌రిగిన అన్ని మ్యాచ్‌ల్లో భార‌తే విజ‌యం సాధించింది. ఇక 2015 మ్యాచ్ విష‌యానికొస్తే తొలుత బ్యాటింగ్ చేసిన భార‌త్ 300 ప‌రుగులు చేసింది. కోహ్లీ (107) సెంచ‌రీతో రాణించాడు. అనంత‌రం చేధ‌న‌లో పాక్ 47 ఓవ‌ర్లలో 224 ప‌రుగుల‌కే ప‌రిమ‌తమైంది. దీంతో 76 ప‌రుగుల తేడాతో భార‌త్ విజ‌యం సాధించింది.



Source link

Leave a Reply

Your email address will not be published. Required fields are marked *