Shikhar Dhawan: లాక్‌డౌన్ వేళ‌.. కొత్త క‌ళ‌ను బ‌య‌ట‌పెట్టిన భార‌త క్రికెట‌ర్‌ – indian cricketer shikhar dhawan plays flute, posts it on social media


క‌రోనా వైర‌స్ (కోవిడ్‌-19) విస్త‌ర‌ణ కారణంగా ప్ర‌పంచ‌వ్యాప్తంగా క్రీడా కార్య‌క‌లాపాలు వాయిదా ప‌డిన సంగ‌తి తెలిసిందే. విరామం దొర‌క‌డంతో చాలామంది క్రికెట‌ర్లు సోష‌ల్ మీడియాలో అభిమానుల‌తో అందుబాటులో ఉంటున్నారు. ఇప్ప‌టికే కొంద‌రు క్రికెట‌ర్లు టిక్‌టాక్ వీడియోల‌తో సంద‌డి చేస్తున్నారు. తాజాగా భార‌త విధ్వంస‌క ఓపెన‌ర్ శిఖ‌ర్ ధావ‌న్ త‌న‌లోని కొత్త కోణాన్ని బ‌య‌ట‌పెట్టాడు. ఫ్లూట్ ఊదుతున్న వీడియోను సోషల్ మీడియా వేదిక ఇన్‌స్టాగ్రామ్‌లో పోస్టు చేశాడు.


ఈ వీడియోను చూసిన నెటిజ‌న్లు సంభ్ర‌మాశ్చ‌ర్యాల‌కు లోన‌య్యారు. లైకులు, కామెంట్ల‌తో త‌మ స్పంద‌న‌ను వ్య‌క్తం చేశారు. మ‌రోవైపు త‌న కుటుంబ స‌భ్యుల‌తో కూడిన వీడియోల‌ను కూడా ధావన్ షేర్ చేశాడు. ఇక ధావ‌న్ ఇంట‌ర్నేష‌న‌ల్ కెరీర్ గ‌తేడాది నుంచి కాస్త గాడి త‌ప్పింది. గాయాల‌తోపాటు ఫామ్ లేమితో త‌ను టీమిండియా ప్లేయింగ్ లెవ‌న్‌లో త‌ర‌చూ చోటు కోల్పోతున్నాడు.


చివ‌రిసారిగా గ‌త జ‌న‌వ‌రిలో ధావ‌న్ అంత‌ర్జాతీయ మ్యాచ్ ఆడాడు. గాయం నుంచి కోలుకుని, పూర్తి ఫిట్‌గా మారిన శిఖ‌ర్ ధావ‌న్ రీ ఎంట్రీ కోసం ఎదురు చూస్తున్నాడు. 2010లో టీమిండియాలో అరంగేట్రం చేసిన ఈ ఢిల్లీ బ్యాట్స్‌మ‌న్‌.. త‌న ప‌దేళ్ల కెరీర్‌లో ఇప్ప‌టివ‌ర‌కు 34 టెస్టులు, 136 వ‌న్డేలు, 61 టీ20ల‌ను గ‌బ్బ‌ర్ ఆడాడు.



Source link

Leave a Reply

Your email address will not be published. Required fields are marked *