shiv sena on modi: గల్వాన్ ఘర్షణను అలా వాడుకోవడం మోదీకే తెలుసు.. శివసేన తీవ్ర ఆరోపణలు – shiv sena accuses pm modi using army’s valour for bihar assembly elections


బీజేపీ మాజీ మిత్రపక్షం, మహారాష్ట్ర అధికార పార్టీ శివసేన మోదీ ప్రభుత్వంపై సంచలన విమర్శలు చేసింది. శివసేన అధికారిక పత్రిక సామనాలోని సంపాదకీయంలో ఈ మేరకు మోదీ ప్రభుత్వ చర్యను తీవ్రంగా తప్పుబట్టింది. లఢఖ్‌లోని గల్వాన్‌ లోయలో చైనా-భారత సైనికుల ఘర్షణ వ్యవహారాన్ని రానున్న బిహార్‌ అసెంబ్లీ ఎన్నికల కోసం బీజేపీ వాడుకుంటోందని శివసేన విమర్శలు చేసింది. ఈ ఘర్షణలో భారత సైన్యం చూపిన పరాక్రమం, త్యాగాన్ని ఎన్నికల్లో ఉపయోగించుకోవాలని చూస్తున్నారని సంచలన వ్యాఖ్యలు చేసింది. ప్రస్తుతం బిహార్‌లో అసెంబ్లీ ఎన్నికలకు ముందు కుల, ప్రాంతీయ రాజకీయ నాటకాలు ఆడుతున్నారని తీవ్ర ఆరోపణలు చేసింది.

ఇటీవల భారత్-చైనా సైనికుల ఘర్షణ అనంతరం ప్రధాని మోదీ మాట్లాడుతూ.. ‘‘ఈ రోజు నేను బీహార్ ప్రజలతో మాట్లాడుతున్నాను. ప్రతి బిహారీ చైనా సైన్యంతో పోరాడుతున్న వారి పరాక్రమం, త్యాగం గురించి గర్వపడుతున్నారు. నేను బిహారీ రెజిమెంట్‌‌లో అమరులైన జవాన్లకు నివాళి అర్పిస్తున్నాను.’’ అని ప్రధాని మోదీ మాట్లాడారు. వీటిని ఉద్దేశించి శివసేన తమ అధికార పత్రిక సామనాలో మోదీ తీరును విమర్శిస్తూ సంపాదకీయం రాసింది.

“ప్రధాని మోదీ ఇలాంటి రాజకీయాల్లో నిపుణుడు. గల్వాన్‌ లోయలో ‘బీహార్ రెజిమెంట్’ పరాక్రమాన్ని ఆయన ప్రశంసించారు. అంతకుముందు, దేశం సరిహద్దుల్లో ముప్పు ఎదుర్కొన్నప్పుడు మహర్, మరాఠా, రాజ్‌పుత్, సిక్కు, గూర్ఖా, డోగ్రా రెజిమెంట్లు పనిలేకుండా కూర్చున్నాయా? రాబోయే బిహార్ ఎన్నికల కారణంగా భారత సైన్యంలో కులం, ప్రాంతాలకు ఎక్కువ ప్రాధాన్యం ఇస్తున్నారు. ఇలాంటి రాజకీయాలు ఒక వ్యాధి లాంటివి. ఇది కరోనా వైరస్ కంటే ప్రమాదకరమైనవి” అని సంపాదకీయంలో రాశారు.



Source link

Leave a Reply

Your email address will not be published. Required fields are marked *