Shoaib Akhtar: భారత్ జట్టులో ఆ ఇద్దరూ నాకు ఫ్రెండ్స్: పాక్ బౌలర్ అక్తర్ – former pakistan bowler shoaib akhtar names his good friends in indian team


భారత్, పాకిస్థాన్ మధ్య క్రికెట్ మ్యాచ్ అంటేనే భావోద్వేగాల సమ్మేళనం. మైదానంలో ఇరు జట్ల ఆటగాళ్లు నువ్వా నేనా అన్నట్లు తలపడతారు. కానీ.. మైదానం వెలుపల కొంత మంది ఇప్పటికీ స్నేహంగా కొనసాగుతున్నారు. పాక్‌లో కరోనా వైరస్ కట్టడి కోసం పనిచేస్తున్న అఫ్రిది ఫౌండేషన్‌‌కి విరాళాలు ఇవ్వాలని ఇటీవల భారత క్రికెటర్లు యువరాజ్ సింగ్, హర్భజన్ సింగ్ సూచించారు. అయితే.. ఆ సూచనలపై పెద్ద ఎత్తున విమర్శలు వచ్చాయి. అది వేరే సంగతి. తాజాగా షోయబ్ అక్తర్ కూడా తాను క్రికెట్ ఆడే రోజుల్లో ఓ ఇద్దరు భారత క్రికెటర్లతో చాలా స్నేహంగా ఉండేవాడినని చెప్పుకొచ్చాడు.

లాక్‌డౌన్ కారణంగా ప్రస్తుతం ఇంట్లోనే ఉంటున్న షోయబ్ అక్తర్.. సోషల్ మీడియా ద్వారా అభిమానులు అడిగిన ప్రశ్నలకి సమాధానం చెప్పాడు. ఈ క్రమంలో భారత్ జట్టులో మీకు గుడ్ ఫ్రెండ్స్ ఎవరు..? అని ప్రశ్నించగా.. అతను సమాధానమిచ్చాడు. ‘‘ఇండియన్ టీమ్‌లో యువరాజ్ సింగ్, హర్భజన్ సింగ్ నాకు మంచి స్నేహితులు’’ అని షోయబ్ అక్తర్ వెల్లడించాడు.

కరోనా వైరస్ కట్టడికి ఫండ్స్ కోసం భారత్, పాకిస్థాన్ మూడు వన్డేల సిరీస్‌ ఆడాలని ఇటీవల ప్రతిపాదించిన షోయబ్ అక్తర్‌పై భారత మాజీ క్రికెటర్లు మండిపడ్డారు. తటస్థ వేదికలో ఈ ద్వైపాక్షిక సిరీస్ నిర్వహిద్దామని చెప్పుకొచ్చిన అక్తర్.. వచ్చే ఆదాయాన్ని సమానంగా దాయాది దేశాలు పంచుకునేలా ప్రతిపాదించాడు. కానీ.. ఫండ్స్‌ కోసం పాక్‌తో ఆడాల్సిన ఖర్మ భారత్‌కి లేదని దిగ్గజ క్రికెటర్ కపిల్‌దేవ్ మండిపడగా.. సునీల్ గవాస్కర్ కూడా ఆ సిరీస్ జరగడం కలేనని చెప్పుకొచ్చాడు.



Source link

Leave a Reply

Your email address will not be published. Required fields are marked *