Shoaib Akhtar Donation: క‌రోనా ఫైట్‌.. కేకేఆర్ హెల్మెట్‌ను విరాళ‌మిచ్చిన అక్త‌ర్‌ – covid-19 update: pakistan former pacer shoaib akhtar donates ‘shah rukh khan’ signed kkr helmet


క‌రోనా వైర‌స్ బాధితుల‌ను ఆదుకునేందుకు పాకిస్థాన్ లెజెండ‌రీ పేస‌ర్ షోయ‌బ్ అక్త‌ర్ ముందుకొచ్చాడు. గ‌తంలో త‌ను ఆడిన ఐపీఎల్ ఫ్రాంచైజీ కోల్‌క‌తా నైట్‌రైడ‌ర్స్ (కేకేఆర్‌) హెల్మెట్‌ను విరాళ‌మిచ్చాడు. ఐపీఎల్లో కేవలం ఒక్క‌సారే అది 2008 ఆరంభ ఎడిష‌న్‌లో మాత్రమే పాక్ ప్లేయ‌ర్లు ఆడారు. ఈ సీజ‌న్‌లో ఢిల్లీ డేర్ డెవిల్స్ (ప్ర‌స్తుతం ఢిల్లీ క్యాపిట‌ల్స్‌)తో జ‌రిగిన మ్యాచ్‌లో అక్త‌ర్‌.. త‌న మ్యాజిక్ స్పెల్‌ (4I11)తో ఒంటిచేత్తో మ్యాచ్‌ను గెలిపించాడు. మ్యాచ్ అనంత‌రం కేకేఆర్ య‌జ‌మాని, బాలీవుడ్ స్టార్ షారుఖ్ ఖాన్ స్వీయ సంత‌కంతో కూడిన హెల్మెట్‌ను అక్త‌ర్‌కు బ‌హుక‌రించాడు.


ఈ హెల్మెట్ త‌న‌కెంతో ప్ర‌త్యేక‌మ‌ని చాలాసార్లు అక్త‌ర్ తెలిపాడు. అయితే ప్ర‌స్తుత విప‌త్క‌ర ప‌రిస్థితుల్లో క‌రోనా బాధితుల‌ను ఆదుకునేందుకుగాను ఈ హెల్మెట్‌ను విరాళ‌మిచ్చిన‌ట్లు పేర్కొన్నాడు. త‌ను విరాళ‌మిస్తున్న ఫొటో సోషల్ మీడియాలో పోస్టు చేశారు. మ‌రోవైపు ఇటీవ‌లే త‌నకు టీమిండియా కోచ్‌గా ప‌నిచేయాల‌ని ఉంద‌ని అక్త‌ర్ తెలిపిన సంగ‌తి తెలిసిందే.


గ‌తంలో ఐపీఎల్లో పాకిస్థాన్‌కు చెందిన వ‌సీం అక్ర‌మ్ (కోల్‌కతా), యూనిస్ ఖాన్ (స‌న్‌రైజర్స్ హైద‌రాబాద్‌) కోచ్‌లుగా వ్య‌వహ‌రించిన సంగ‌తి తెలిసిందే. ఈ నేప‌థ్యంలో భ‌విష్య‌త్తులో అక్త‌ర్ ఏదైనా ఐపీఎల్ టీమ్‌కు సేవ‌లందించే అవ‌కాశ‌ముంది. మ‌రోవైపు పాకిస్థాన్‌లో క‌రోనా తీవ్ర‌త అధికంగానే ఉంది. ఇప్ప‌టివ‌ర‌కు 38,700కుపైగా పాజిటివ్ కేసులు న‌మోద‌య్యాయి. అలాగే ఇప్ప‌టివ‌ర‌కు 830 మంది మృత్యువాత ప‌డ్డారు. ‌



Source link

Leave a Reply

Your email address will not be published. Required fields are marked *