Shopian encounter: కశ్మీర్‌లో ఎన్‌కౌంటర్.. ఐదుగురు ఉగ్రవాదులు హతం – five terrorists gunned down in encounter with security forces in jammu kashmir’s shopian


మ్ము కశ్మీర్‌లోని షోపియాన్ జిల్లాలో జరిగిన ఎన్‌కౌంటర్‌లో భారత భద్రతా దళాలు ఐదుగురు ముష్కరులను మట్టుబెట్టాయి. ఉగ్రవాదులు, భద్రతా దళాల మధ్య ఆదివారం (జూన్ 7) ఉదయం నుంచి భీకర ఎదురుకాల్పులు చోటు చేసుకున్నాయి. షోపియాన్ జిల్లాలోని రెబాన్ ప్రాంతంలో మిలిటెంట్లు ఉన్నారనే సమాచారంతో భద్రతా బలగాలు కూంబింగ్ ప్రారంభించాయి. ఈ ఆపరేషన్‌లో సీఆర్‌ఫీఎఫ్ జవాన్లు, ఆర్మీ అధికారులతో పాటు జమ్ము కశ్మీర్ పోలీసులు పాల్గొన్నారు.

భద్రతా బలగాలు అనుమానిత ప్రాంతానికి చేరుకోగానే.. సాయుధులైన ముష్కరులు ఒక్కసారిగా కాల్పులకు తెగబడినట్లు సీనియర్ అధికారి ఒకరు తెలిపారు. దీంతో అప్రమత్తమైన భద్రతా బలగాలు ఎదురుకాల్పులకు దిగినట్లు చెప్పారు. ఆదివారం ఉదయం నుంచి మధ్యాహ్నం వరకు కొనసాగిన ఎదురుకాల్పుల్లో ఐదుగురు మిలిటెంట్లు హతమైనట్లు ఆయన చెప్పారు.

ఆ ప్రాంతంలో మరి కొంత మంది ఉగ్రవాదులు ఉన్నారేమోనని అధికారులు భావిస్తున్నారు. రెబాన్ ప్రాంతాన్ని జల్లెడ పడుతున్నారు. షోపియాన్ జిల్లాలో మొబైల్, ఇంటర్నెట్ సర్వీసులను తాత్కాలికంగా నిలిపివేసినట్లు ఆర్మీ అధికారులు తెలిపారు.



Source link

Leave a Reply

Your email address will not be published. Required fields are marked *