shram yogi maan dhan yojana: అదిరిపోయే స్కీమ్.. చేరితే ఏడాదికి రూ.36,000.. వారికి మాత్రమే! – pradhan mantri shram yogi maan dhan yojana, eligibility, benefits, registration process and more


ప్రధానాంశాలు:

  • కేంద్రం నుంచి అదిరే పథకం
  • చేరితే నెలకు రూ.3,000
  • మీరు నెలకు రూ.55 చెల్లిస్తే చాలు

కేంద్ర ప్రభుత్వం ఎన్నో రకాల పథకాలు అందిస్తోంది. ప్రధాన్ మంత్రి శ్రమ్ యోగి మాన్ ధన్ యోజన స్కీమ్ కూడా ఇందులో భాగమే. మోదీ సర్కార్ అసంఘిత రంగంలోని కార్మికులు లక్ష్యంగా ఈ పథకాన్ని తీసుకువచ్చింది. గార్బేజ్ పికర్స్, డొమెస్టిక్ వర్కర్లు, రిక్షా డ్రైవర్లు, ధోబి, అగ్రికల్చర్ లేబర్స్ వంటి వారందరూ ఈ స్కీమ్‌లో చేరొచ్చు.

శ్రమ్ యోగి మాన్ ధన్ యోజన స్కీమ్‌లో చేరితే కేంద్ర ప్రభుత్వం ఏడాదికి రూ.36,000 పెన్షన్ అందిస్తుంది. 60 ఏళ్లు దాటిన తర్వాత ఈ పెన్షన్ డబ్బులు పొందొచ్చు. దేశంలో 42 కోట్ల మంది వర్కర్లు ఈ పథకంలో చేరొచ్చని కేంద్ర ప్రభుత్వం పేర్కొంటోంది. ఇప్పటిదాకా 64.5 లక్షల మంది మాత్రమే ఈ పథకంలో చేరారు.

Also Read: శుభవార్త.. భారీగా పడిపోయిన బంగారం ధర.. వెండి ఢమాల్.. లేటెస్ట్ రేట్లు ఇలా!

18 నుంచి 40 ఏళ్ల మధ్యలో వయసు కలిగిన వారు ఈ పథకంలో చేరొచ్చు. అయితే పథకంలో చేరే వారి నెల వారీ ఆదాయం మాత్రం రూ.15,000 దాటకూడదు. ఈపీఎఫ్‌వో వెబ్‌సైట్ ద్వారా ఈ పథకంలో చేరొచ్చు. లేదంటే దగ్గరిలోని కామన్ సర్వీస్ సెంటర్‌కు వెళ్లి స్కీమ్‌లో నమోదు చేసుకోవచ్చు. ఎల్ఐసీ బ్రాంచ్ ఆఫీస్, ఈఎస్ఐసీ, ఈపీఎఫ్‌వో, సెంట్రల్ అండ్ స్టేట్ లేబర్ ఆఫీస్‌కు వెళ్లి కూడా ఈ పథకంలో చేరొచ్చు.

Also Read: Bankలో ఉచితంగా ఈ అకౌంట్ తెరిస్తే 10 లాభాలు.. ఇంకా రూ.2 లక్షల బెనిఫిట్!

ప్రధాన్ మంత్రి శ్రమ్ యోగి మాన్ ధన్ యోజన స్కీమ్‌లో చేరాలంటే ఆధార్ కార్డు కచ్చితంగా కావాలి. అలాగే జన్ ధన్ అకౌంట్ లేదా బ్యాంక్ సేవింగ్ అకౌంట్ కావాలి. అలాగే మొబైల్ నెంబర్ తప్పనిసరి. ఇప్పటికే ఈపీఎఫ్‌వో, ఎన్‌పీఎస్, ఈఎస్ఐసీ స్కీమ్స్‌లో చేరి ఉంటే.. వారు ఈ పథకంలో చేరేందుకు అనర్హులు.

మీ వయసు ప్రాతిపదికన మీరు చెల్లించాల్సిన ప్రీమియం మొత్తం మారుతుంది. 18 ఏళ్ల వయసులోనే ఈ పథకంలో చేరితే నెలకు రూ.55 చెల్లించాలి. అదే 29 ఏళ్ల వయసులో ఈ స్కీమ్‌లో చేరితే రూ.100, 40 ఏళ్ల వయసులో చేరితే రూ.200 ప్రీమియం కట్టాలి. 60 ఏళ్ల తర్వాత ప్రతి నెలా రూ.3,000 పెన్షన్ పొందొచ్చు.



Source link

Leave a Reply

Your email address will not be published. Required fields are marked *