shycocan: కరోనా వైరస్‌ను చంపే పరికరం వచ్చేసింది.. బెంగళూరు కంపెనీ ఘనత! – new device to prevent covid 19! usfda clears shycocan which neutralises 99.9% virus floating in closed spaces


ప్రధానాంశాలు:

  • కొత్త పరికరంతో కరోనా వైరస్ వ్యాప్తిని అడ్డుకోవచ్చు
  • బెంగళూరు కంపెనీ రూపకల్పన
  • ఈ పరికరానికి అమెరికా, యూరోప్ ఆమోదం

ప్రపంచం మొత్తం కరోనా వైరస్ వ్యాక్సిన్‌ను తయారు చేసేందుకు తీవ్రంగా శ్రమిస్తోంది. అయితే ఇప్పటి వరకు దీనికిసమర్థవంతమైన మెడిసిన్‌ను ఇంకా ఎవ్వరూ కనిపెట్టలేదు. ఇలాంటి పరిస్థితుల్లో బెంగళూరుకు చెందిన ఒక కంపెనీ వినూత్నమైన పరికరాన్ని తయారు చేసింది.

కోవిడ్ 19ను చంపే పరికారాన్ని రూపొందించింది. ఒక్క పరికరంతో కరోనా వైరస్‌ను తరమికొట్టొచ్చు. డీ స్కేలీన్ అనే కంపెనీ స్కేలీన్ హైపర్‌చార్జ్ కరోనా కెనాన్ (షైకోకాన్) అనే పరికరాన్ని తయారు చేసింది. దీనికి అమెరికా ఫుడ్ అండ్ డ్రగ్ అడ్మినిస్ట్రేషన్ (యూఎస్ఎఫ్‌డీఏ), యూరోపియన్ యూనియన్ (ఈయూ) అనుమతులు కూడా లభించాయి.

Also Read: షాక్.. బంగారం ఆల్‌ టైమ్ రికార్డ్.. వెండి పైపైకి.. ఈరోజు రేట్లు ఇవే!

షైకోకాన్ అనే పరికరం కరోనా వైరస్‌ను 99.9 శాతం చంపుతుంది. అంటే కరోనా రోగులు తుమ్మినప్పుడు, దగ్గినప్పుడు గాలిలోకి వచ్చే కోవిడ్ 19ను ఈ పరికరం చంపేస్తుంది. కరోనా వైరస్ వ్యాప్తిని అరికడుతుంది. దీంతో ఈ వ్యాధి ఒకరి నుంచి మరొకరికి సోకదు. అయితే ఇప్పటికే కరోనా వచ్చిన వారికి ఈ పరికరం ద్వారా నయం చేయడం కుదరదు.

Also Read: ఉద్యోగులకు షాక్.. ఇంటి వద్ద నుంచే పని చేస్తున్న వారు ఇక ఎక్కువ ట్యాక్స్ కట్టాలి!

ప్రతి ఒక్కరూ ఈ పరికారాన్ని కొనుగోలు చేయవచ్చు. దీని ధర స్మార్ట్‌ఫోన్ కన్నా తక్కువగానే ఉండనుంది. ఆగస్ట్ 15న ఈ పరికరాన్ని మార్కెట్‌లోకి తీసుకురానున్నారు. దీన్ని రాజా విజయ్ కుమార్ టీమ్ రూపొందించింది. దీని వల్ల చాలా ప్రయోజనం కలుగనుంది. కరోనా వ్యాప్తిని అడ్డుకోవచ్చు.

ఆఫీస్‌లు, ఇళ్లులు, వెయిటింగ్ రూమ్స్, మాల్స్, ఇతర పబ్లిక్ ఏరియాల్లో ఈ పరికరాన్ని ఉపయోగించుకోవచ్చు. ఈ పరికరం ఫోటాన్స్‌ను విడుదల చేస్తుంది. ఇవి గాలి కణాలతో కలిసిపోయి ఎలక్ట్రాన్స్‌ను విడుదల చేస్తాయి. ఇవి కరోనా వైరస్‌లోని ఎస్ ప్రోటీన్‌ను అంతం చేస్తాయి. దీంతో కరోనా వైరస్ వ్యాప్తి చెందదు.



Source link

Leave a Reply

Your email address will not be published. Required fields are marked *