singapore study on covid-19: కరోనా రోగుల నుంచి 11 రోజుల తర్వాత వైరస్ వ్యాపించదు.. సింగ్‌పూర్ అధ్యయనం – coronavirus patients not infectious after 11 days, finds singapore study


కరోనా వైరస్ బారినపడ్డ బాధితుల్లో 12 రోజుల తర్వాత పాజిటివ్‌గా ఉన్నప్పటికీ, ఉన్నప్పటికీ, 11 రోజుల దాటితే వారి నుంచి వైర‌స్ వ్యాప్తి చెందడం లేదని ఓ పరిశోధనలు వెల్లడయ్యింది. సింగపూర్ నేషనల్ సెంటర్ ఫర్ ఇన్ఫక్టియస్ డిసీజెస్ (ఎన్‌సీఐడీ), అకాడమీ ఆఫ్ మెడిసిన్‌ల సంయుక్త‌ంగా చేపట్టిన అధ్యయనంలో ఈ విష‌యం వెల్ల‌డ‌య్యింది. కరోనా బాధితుల్లో వైరస్ పాజిటివ్‌గా ఉన్నంత కాలం ఇతరులకు సంక్రమిస్తుందని ఇప్పటివరకు భావించారు. తాజా పరిశోధనతో దీనిపై స్పష్టత వచ్చింది.

అంతేకాదు, కరోనా వైరస్ లక్షణాలు కనిపించడానికి రెండు రోజుల ముందు వీరి నుంచి వైర‌స్‌ వ్యాప్తి చెందుతున్నట్టు పరిశోధకులు గుర్తించారు. ఈ పరిశోధనలో మొత్తం 73 మందిని సింగపూర్ నేషనల్ సెంటర్ ఫర్ ఇనఫక్టియస్ డిసీజెస్ శాస్త్రవేత్తలు పరిశీలించారు. క‌రోనా లక్షణాలు బయటపడిన వారం తరువాత, బాధితులలో క్రియాశీల వైరల్ రెప్లికేషన్ తగ్గడం ప్రారంభమవుతుందని శాస్త్రవేత్తలు పేర్కొన్నారు. ప్రస్తుతం అధ్యయనం ఆధారంగా బాధితులను ఎప్పుడు డిశ్చార్జ్ చేయాల‌నేది ఆయా ఆసుపత్రులు నిర్ణ‌యించ‌గ‌లుగ‌తాయి.

కాగా, అమెరికాతో సహా అనేక దేశాలలో రెండుసార్లు నెగిటివ్ రిపోర్టు వచ్చిన‌ తర్వాతే కరోనా రోగులు వ్యాధి నుంచి కోలుకుంటున్నార‌ని వైద్యులు భావిస్తున్నారు. ఇప్పుడు సింగపూర్‌లో నిర్వ‌హించిన ఈ అధ్యయన ఫ‌లితాలు వైద్యుల‌కు ఎంతో ఉప‌యుక్తం కానున్నాయ‌ని తెలుస్తోంది. కోవిడ్ -19 రోగుల విషయంలో సింగపూర్ తాజా పరిశోధన ఫలితాల ఆధారంగా మార్గదర్శకాలను రూపొందించనుంది.

స్ట్రెయిట్స్ టైమ్స్ నివేదిక ప్రకారం.. తాజా ఫలితాలను కరోనా క్లినికల్ మేనేజ్‌మెంట్ ప్లాన్‌లో చేర్చడానికి ఆరోగ్య మంత్రిత్వ శాఖ భావిస్తోందని తెలిపింది. ఇప్పటివరకు, సింగ్‌పూర్‌లో 31,068 మందికి వైరస్ బారినపడగా.. 13,882 మంది కోలుకున్నారు. కోవిడ్ -19 రోగులలో ఇది 45 శాతం.



Source link

Leave a Reply

Your email address will not be published. Required fields are marked *